Buǵan deiin DALA INSIDE telegram arnasy otandyq blogosferada (feisbýk, iýtýb, telegram) Nursultan Nazarbaevtyń kezindegi eńbegin áspetteitin PR kampaniia júretini týraly jazǵan edi. Insaiderlik aqparatqa sensek, piar kampaniianyń kontseptsiiasy daiyn.
Elbasy_live-tegi paraqshasyndaǵy jazbalar sonyń bastamasy siiaqty.
Ańdasaq, aýditoriiasy millionǵa jetip jyǵylatyn paraqshanyń kontenti – «Nazarbaevtyń kezinde baqytty ómir súrdińder, zaman tynysh boldy. «Elbasynyń» qadirin bile qoimadyńdar, endi óz obaldaryń ózderińe» degen messedjge qurylǵan. Tipti «ArselorMittaldaǵy» qaiǵyly jaǵdaida da paraqsha halyqty tabalaýyn toqtatpapty.
«Qara sýmen júrgen halyqty balǵa jetkizip edi. Baryńdy baǵalai almadyńdar. Endi jarqyrap ómir súrgenderińdi kóreiik. Qaraǵandy metallýrgiia kombinatyn basqara alatyn bir qazaqty taba almai jatyrsyńdar ma? Nazarbaevqa shúkirshilik qylmap edińder, kórińder endi kóretinderińdi»,-delingen.
Sondai-aq, Nursultan Nazarbaevtyń meshitte sóz sóilep turǵan videosyna:
«Árbir topty alaýyzdyqqa ushyratpai bir qylyp ustaǵanyńyz úshin sizge qaryzdarmyz. Siz ornyńyzdan ketkeli jik-jikke bólinip, birligimizge syzat túskendei...», «Nazarbaevtyń kezinde ózderińniń kim bolǵandaryńdy umytpańdar!»,-dep jazǵan.
Endi bir jazbada "Qazaqstan halqynyń 80 paiyzy Nazarbaevty jaqsy kóredi" degen málimdeme jasaidy.
Sondai-aq, hidjap daýyna qatysty Aida Balaeva men Rinat Zaiytovtyń resmi paraqshalaryn belgilep «Halyqtyń qýaty birlikte, birlikti qurtpai tynysh júrińder» dep jazady. Dál sol jazbaǵa UQK resmi paraqshasyn da tegtei otyryp: «Ulttyq qaýipsizdik qyzmeti esikterdi syndyra bermei, durystap jumys jasasyn» degen.
Sondai-aq, Másimov pen Memlekettik hatshy Erlan Qaringe qatysty da aýyr aiyptaýlar jazylǵan.
«A to chto Erlan Karin s Masimovym privez v Kazahstan tselýiý ordý iz Sirii kak poniat? Polýchaetsia sami ývelichivaete?»,-deidi.
Jazba astyndaǵy pikir jazýshylardyń basym kópshiligi tuńǵysh prezidentke narazylyqtaryn bildirgen. Bir qyzyǵy, paraqshany sholyp otyrsańyz saiasi oqiǵalar, eks-sheneýnikterdiń ustalýy, eski de jańa Qazaqstannyń bilik basyndaǵy tulǵalaryna baǵyttalǵan sarkazmdar men túrli kóńil-kúidi ańǵarýǵa bolady.
https://dalanews.kz/saraptama/95108-qarmetkombinat-kimge-buyyrady
