بۇعان دەيىن DALA INSIDE تەلەگرام ارناسى وتاندىق بلوگوسفەرادا (فەيسبۋك، يۋتۋب، تەلەگرام) نۇرسۇلتان نازاربايەۆتىڭ كەزىندەگى ەڭبەگىن اسپەتتەيتىن PR كامپانيا جۇرەتىنى تۋرالى جازعان ەدى. ينسايدەرلىك اقپاراتقا سەنسەك، پيار كامپانيانىڭ كونسەپسياسى دايىن.
Elbasy_live-تەگى پاراقشاسىنداعى جازبالار سونىڭ باستاماسى سياقتى.
اڭداساق، اۋديتورياسى ميلليونعا جەتىپ جىعىلاتىن پاراقشانىڭ كونتەنتى – «نازاربايەۆتىڭ كەزىندە باقىتتى ءومىر سۇردىڭدەر، زامان تىنىش بولدى. «ەلباسىنىڭ» ءقادىرىن بىلە قويمادىڭدار، ەندى ءوز وبالدارىڭ وزدەرىڭە» دەگەن مەسسەدجگە قۇرىلعان. ءتىپتى «ارسەلورميتتالداعى» قايعىلى جاعدايدا دا پاراقشا حالىقتى تابالاۋىن توقتاتپاپتى.
«قارا سۋمەن جۇرگەن حالىقتى بالعا جەتكىزىپ ەدى. بارىڭدى باعالاي المادىڭدار. ەندى جارقىراپ ءومىر سۇرگەندەرىڭدى كورەيىك. قاراعاندى مەتاللۋرگيا كومبيناتىن باسقارا الاتىن ءبىر قازاقتى تابا الماي جاتىرسىڭدار ما؟ نازاربايەۆقا شۇكىرشىلىك قىلماپ ەدىڭدەر، كورىڭدەر ەندى كورەتىندەرىڭدى»،-دەلىنگەن.
سونداي-اق، نۇرسۇلتان نازاربايەۆتىڭ مەشىتتە ءسوز سويلەپ تۇرعان ۆيدەوسىنا:
«ءاربىر توپتى الاۋىزدىققا ۇشىراتپاي ءبىر قىلىپ ۇستاعانىڭىز ءۇشىن سىزگە قارىزدارمىز. ءسىز ورنىڭىزدان كەتكەلى جىك-جىككە ءبولىنىپ، بىرلىگىمىزگە سىزات تۇسكەندەي...»، «نازاربايەۆتىڭ كەزىندە وزدەرىڭنىڭ كىم بولعاندارىڭدى ۇمىتپاڭدار!»،-دەپ جازعان.
ەندى ءبىر جازبادا "قازاقستان حالقىنىڭ 80 پايىزى نازاربايەۆتى جاقسى كورەدى" دەگەن مالىمدەمە جاسايدى.
سونداي-اق، حيدجاپ داۋىنا قاتىستى ايدا بالايەۆا مەن رينات زايىتوۆتىڭ رەسمي پاراقشالارىن بەلگىلەپ «حالىقتىڭ قۋاتى بىرلىكتە، بىرلىكتى قۇرتپاي تىنىش جۇرىڭدەر» دەپ جازادى. ءدال سول جازباعا ۇقك رەسمي پاراقشاسىن دا تەگتەي وتىرىپ: «ۇلتتىق قاۋىپسىزدىك قىزمەتى ەسىكتەردى سىندىرا بەرمەي، دۇرىستاپ جۇمىس جاساسىن» دەگەن.
سونداي-اق، ءماسىموۆ پەن مەملەكەتتىك حاتشى ەرلان قارينگە قاتىستى دا اۋىر ايىپتاۋلار جازىلعان.
«ا تو چتو ەرلان كارين س ماسيموۆىم پريۆەز ۆ كازاحستان سەلۋيۋ وردۋ يز سيريي كاك پونيات؟ پولۋچاەتسيا سامي ۋۆەليچيۆاەتە؟»،-دەيدى.
جازبا استىنداعى پىكىر جازۋشىلاردىڭ باسىم كوپشىلىگى تۇڭعىش پرەزيدەنتكە نارازىلىقتارىن بىلدىرگەن. ءبىر قىزىعى، پاراقشانى شولىپ وتىرساڭىز ساياسي وقيعالار، ەكس-شەنەۋنىكتەردىڭ ۇستالۋى، ەسكى دە جاڭا قازاقستاننىڭ بيلىك باسىنداعى تۇلعالارىنا باعىتتالعان ساركازمدار مەن ءتۇرلى كوڭىل-كۇيدى اڭعارۋعا بولادى.
https://dalanews.kz/saraptama/95108-qarmetkombinat-kimge-buyyrady
