Abaı oblysynyń týrısik oryndaryna 9 zamanaýı dárethana ornatylyp jatyr,- dep habarlaıdy Dalanews.kz

Abaı oblysynyń tanymal týrısik baǵyttarynda kelýshilerge qolaıly jaǵdaı jasaý maqsatynda 9 zamanaýı sanıtarlyq torap ornatylyp jatyr. Jańa úlgidegi dárethanalar Alakól, Qaraýyltóbe, Jıdebaı jáne Semeı qalasyndaǵy demalys aımaqtaryn qamtıdy.

Atap aıtqanda, sanıtarlyq toraptardyń 3-eýi – Alakól jaǵalaýyna, 3-eýi – Abaı aýdanynyń ortalyǵy Qaraýyltóbege, 1-eýi – Jıdebaıdaǵy Abaı kesenesiniń mańyna, al 2-eýi – Semeıdegi Túıemoınaq aralyndaǵy saıabaq aýmaǵyna ornatylady.

Joba aıasynda ornatylyp jatqan sanıtarlyq toraptar – tolyq jabdyqtalǵan, zamanaýı talaptarǵa saı keletin modýldi qurylymdar. Olar buryn Astanada ótken Kóshpendiler oıyndary kezinde paıdalanylǵan tájirıbeniń negizinde jasalǵan.