Абай облысының туристік орындарына 9 заманауи дәретхана орнатылып жатыр,- деп хабарлайды Dalanews.kz
Абай облысының танымал туристік бағыттарында келушілерге қолайлы жағдай жасау мақсатында 9 заманауи санитарлық торап орнатылып жатыр. Жаңа үлгідегі дәретханалар Алакөл, Қарауылтөбе, Жидебай және Семей қаласындағы демалыс аймақтарын қамтиды.
Атап айтқанда, санитарлық тораптардың 3-еуі – Алакөл жағалауына, 3-еуі – Абай ауданының орталығы Қарауылтөбеге, 1-еуі – Жидебайдағы Абай кесенесінің маңына, ал 2-еуі – Семейдегі Түйемойнақ аралындағы саябақ аумағына орнатылады.
Жоба аясында орнатылып жатқан санитарлық тораптар – толық жабдықталған, заманауи талаптарға сай келетін модульді құрылымдар. Олар бұрын Астанада өткен Көшпенділер ойындары кезінде пайдаланылған тәжірибенің негізінде жасалған.
