Bul týraly Ortalyq kommýnikatsiialar qyzmetiniń brifinginde Abai oblysynyń ákimi Berik Ýáli málim etti, dep habarlaidy Dalanews.kz.
Biyl 9 aidyń qorytyndysy boiynsha Abai oblysynyń áleýmettik-ekonomikalyq damý kórsetkishteri oń qarqynmen saqtaldy. Kólik salasynda – 123,4%, bailanysta – 106,4%, óńdeý ónerkásibinde – 101,3%, ishki saýdada – 105,9%, aýyl sharýashylyǵynda – 102,8%, investitsiia tartý boiynsha – 103,1% ósim baiqaldy. Turǵyn úi qurylysy salasynda 159,9 myń sharshy metr jańa baspana paidalanýǵa berildi.
Memlekettik biýdjetke oblystan 441,4 mlrd teńge salyq pen mindetti tólemder tústi. Onyń ishinde respýblikalyq biýdjetke – 316,7 mlrd, jergilikti biýdjetke – 124,7 mlrd teńge. Bul – ótken jylmen salystyrǵanda 137,3% ósim.
Abai oblysy qurylǵan sátte biýdjettiń jalpy kólemi 251,3 mlrd teńge bolsa, búginde Prezident pen Úkimettiń qoldaýynyń arqasynda bul kórsetkish 2 ese ósip, 500,9 mlrd teńgege jetti.
Óńirdiń infraqurylymyn jańǵyrtý jáne turǵyndardyń ómir sapasyn arttyrý baǵytyndaǵy jumystar kezeń-kezeńimen jalǵasatyn bolady.
