بۇل تۋرالى ورتالىق كوممۋنيكاسيالار قىزمەتىنىڭ بريفينگىندە اباي وبلىسىنىڭ اكىمى بەرىك ءۋالي ءمالىم ەتتى، دەپ حابارلايدى Dalanews.kz.

بيىل 9 ايدىڭ قورىتىندىسى بويىنشا اباي وبلىسىنىڭ الەۋمەتتىك-ەكونوميكالىق دامۋ كورسەتكىشتەرى وڭ قارقىنمەن ساقتالدى. كولىك سالاسىندا – 123،4%، بايلانىستا – 106،4%، وڭدەۋ ونەركاسىبىندە – 101،3%، ىشكى ساۋدادا – 105،9%، اۋىل شارۋاشىلىعىندا – 102،8%، ينۆەستيسيا تارتۋ بويىنشا – 103،1% ءوسىم بايقالدى. تۇرعىن ءۇي قۇرىلىسى سالاسىندا 159،9 مىڭ شارشى مەتر جاڭا باسپانا پايدالانۋعا بەرىلءدى.

مەملەكەتتىك بيۋدجەتكە وبلىستان 441،4 ملرد تەڭگە سالىق پەن مىندەتتى تولەمدەر ءتۇستى. ونىڭ ىشىندە رەسپۋبليكالىق بيۋدجەتكە – 316،7 ملرد، جەرگىلىكتى بيۋدجەتكە – 124،7 ملرد تەڭگە. بۇل – وتكەن جىلمەن سالىستىرعاندا 137،3% ءوسىم.

اباي وبلىسى قۇرىلعان ساتتە بيۋدجەتتىڭ جالپى كولەمى 251،3 ملرد تەڭگە بولسا، بۇگىندە پرەزيدەنت پەن ۇكىمەتتىڭ قولداۋىنىڭ ارقاسىندا بۇل كورسەتكىش 2 ەسە ءوسىپ، 500،9 ملرد تەڭگەگە جەتتى.

ءوڭىردىڭ ينفراقۇرىلىمىن جاڭعىرتۋ جانە تۇرعىنداردىڭ ءومىر ساپاسىن ارتتىرۋ باعىتىنداعى جۇمىستار كەزەڭ-كەزەڭىمەن جالعاساتىن بولادى.