Abai oblysy Úrjar aýdany boiynsha kóktemgi sý tasqynyna qarsy sharalar qolǵa alyndy, - dep habarlaidy Dalanews.kz.
Kúni búginge deiin eldi-mekenderden 5424 myń tekshe metr qar shyǵaryldy. Jumys áli de jalǵasyp jatyr. Sý sorýǵa arnalǵan jiyny 20 dana motopompa daiyn.
Benzin qory 5,6 tonna, dizeldik otyn qory 3,6 tonna. Sý tasqynyna qarsy is-sharalar josparyna bailanysty qosymsha 14 tonna dizeldik otyn satyp alý jumystary júrgizilip jatyr.
Abai oblysy ákimdiginiń baspasóz qyzmeti
«Aýdanda tótenshe jaǵdai oryn alǵan jaǵdaida 205 adam, ártúrli 80 tehnika jumyldyrylady. Mekemeler, jeke kásipkerler, sharýa qojalyqtarymen azyq-túlik, tamaqtandyrý, jatyn oryndar, kólikpen tasymaldaý qyzmeti jáne janar-jaǵar maimen qamtamasyz etýge qatysty 23 kelisim-niet shart jáne 43 memorandým jasalǵan. Aýyldyq okrýgterge sý tasqyny qaýpi tóngen jaǵdaida ýaqytsha bógetter jasaý maqsatynda qaptar taratylyp berildi. Sondai-aq, 270 tonna inerttik material alýǵa aýdan ákimi apparatymen «KazspetsMonolitStroi» JShS arasynda ózara yntymaqtastyq kelisim memorandýmy jasaldy», - deidi aýdan ákiminiń orynbasary Serik Tilemisov.
Eginsý sý qoimasyna 2016 jyly kúrdeli jumystar jasalyp, paidalanýǵa berilgen. Sý qoimasynyń qazirgi jaǵdaiy qanaǵattanarlyq. Qaraqol sý qoimasynda sý tranzittik rejimde aǵady. Sýdyń kólemin únemi baqylaý úshin qoimalarda kezekshilik qoiyldy.
Aýdan boiynsha 15 kópir, 159 sý ótkizgish qubyrlar bar. Kúz ailarynda olar qoqys pen shópterden 100 paiyz tazartyldy. 2025 jylǵy kóktemgi tasqyn sýdy qalypty jaǵdaida ótkizý maqsatynda byltyr 5 aýylda sý tasqyna qarsy is-sharalar júrgizildi.
