اباي وبلىسى ٷرجار اۋدانى بويىنشا كٶكتەمگٸ سۋ تاسقىنىنا قارسى شارالار قولعا الىندى, - دەپ حابارلايدى Dalanews.kz.
كٷنٸ بٷگٸنگە دەيٸن ەلدٸ-مەكەندەردەن 5424 مىڭ تەكشە مەتر قار شىعارىلدى. جۇمىس ەلٸ دە جالعاسىپ جاتىر. سۋ سورۋعا ارنالعان جيىنى 20 دانا موتوپومپا دايىن.
بەنزين قورى 5,6 توننا, ديزەلدٸك وتىن قورى 3,6 توننا. سۋ تاسقىنىنا قارسى ٸس-شارالار جوسپارىنا بايلانىستى قوسىمشا 14 توننا ديزەلدٸك وتىن ساتىپ الۋ جۇمىستارى جٷرگٸزٸلٸپ جاتىر.
اباي وبلىسى ەكٸمدٸگٸنٸڭ باسپاسٶز قىزمەتٸ
«اۋداندا تٶتەنشە جاعداي ورىن العان جاعدايدا 205 ادام, ەرتٷرلٸ 80 تەحنيكا جۇمىلدىرىلادى. مەكەمەلەر, جەكە كەسٸپكەرلەر, شارۋا قوجالىقتارىمەن ازىق-تٷلٸك, تاماقتاندىرۋ, جاتىن ورىندار, كٶلٸكپەن تاسىمالداۋ قىزمەتٸ جەنە جانار-جاعار مايمەن قامتاماسىز ەتۋگە قاتىستى 23 كەلٸسٸم-نيەت شارت جەنە 43 مەموراندۋم جاسالعان. اۋىلدىق وكرۋگتەرگە سۋ تاسقىنى قاۋپٸ تٶنگەن جاعدايدا ۋاقىتشا بٶگەتتەر جاساۋ ماقساتىندا قاپتار تاراتىلىپ بەرٸلدٸ. سونداي-اق, 270 توننا ينەرتتٸك ماتەريال الۋعا اۋدان ەكٸمٸ اپپاراتىمەن «كازسپەتسمونوليتستروي» جشس اراسىندا ٶزارا ىنتىماقتاستىق كەلٸسٸم مەموراندۋمى جاسالدى», - دەيدٸ اۋدان ەكٸمٸنٸڭ ورىنباسارى سەرٸك تٸلەمٸسوۆ.
ەگٸنسۋ سۋ قويماسىنا 2016 جىلى كٷردەلٸ جۇمىستار جاسالىپ, پايدالانۋعا بەرٸلگەن. سۋ قويماسىنىڭ قازٸرگٸ جاعدايى قاناعاتتانارلىق. قاراقول سۋ قويماسىندا سۋ ترانزيتتٸك رەجيمدە اعادى. سۋدىڭ كٶلەمٸن ٷنەمٸ باقىلاۋ ٷشٸن قويمالاردا كەزەكشٸلٸك قويىلدى.
اۋدان بويىنشا 15 كٶپٸر, 159 سۋ ٶتكٸزگٸش قۇبىرلار بار. كٷز ايلارىندا ولار قوقىس پەن شٶپتەردەن 100 پايىز تازارتىلدى. 2025 جىلعى كٶكتەمگٸ تاسقىن سۋدى قالىپتى جاعدايدا ٶتكٸزۋ ماقساتىندا بىلتىر 5 اۋىلدا سۋ تاسقىنا قارسى ٸس-شارالار جٷرگٸزٸلدٸ.
