Abai oblysynyń aýyldyq aimaqtarynda ziiankesterge qarsy ýaqytyly óńdeý shegirtkelerdiń shabýylymen tiimdi kúresýge jáne olardyń taralýyn boldyrmaýdy qamtamasyz etti. Desek te bolashaq egindi saqtaý úshin jaǵdai únemi baqylaýda ustaýdyń mańyzy zor, – dep habarlaidy Dalanews.kz Abai oblysy ákiminiń baspasóz qyzmetine silteme jasap.
Abai oblysynyń aýyl sharýashylyǵy basqarmasynyń basshysy Ertai Qýanbaevtyń aitýynsha, shegirtkege qarsy kúres oblystyń 8 aýdanynda qarqyndy júrgizilýde. Shegirtkege qarsy óńdeýdiń jalpy eseptik aýdany 77,4 myń gektardy quraidy.
– Búgingi kúnge ziiankesterge qarsy kúrestke 1 asa jeńil aviatsiia jáne 13 jer ústi jeldetkish búrikkishter jumyldyrylǵan. Úiirli shegirtkelerge qarsy kúres boiynsha is-sharalar 8 aýdanda (Abai, Aiagóz, Aqsýat, Besqaraǵai, Borodýliha, Jarma, Kókpekti, Úrjar jáne Jańasemei aýdandary) júrgizilýde. Qazirgi tańda 19,13 myń gektar jer (Aziialyq shegirtke – 6,03 myń gektar, italiandyq prýs – 13,1 myń gektar) óńdeldi, – dep atap ótti basqarma basshysy.
Aǵymdaǵy jyly shegirtkelerge qarsy is-sharalarǵa jergilikti biýdjetten tiisti qarajat bólinip, «SATTI TULEK» JShS merdiger bolyp belgilengen.
– Saiaq ziiankesterdiń taralý aýmaqtary boiynsha 5 aýdanda óńdeý bastalyp, 2 myń gektar jer óńdeldi. 12 maýsymda Aiagóz qalasynyń Qaraýyl aýylynyń (Aqshataý aýyldyq okrýgi) avtotrassasynyń 5-45 shaqyrymynda, Aqsýat aýdanynyń Qyzylkesik aýyldyq okrýginiń aýmaǵynda shegirtkeniń taralýy baiqaldy, – dep qorytyndylady Ertai Qýanbaev.
Aýyl sharýashylyǵy basqarmasy atalǵan jerge 4 búrikkish tehnikany der kezinde jiberip, dál ýaqytynda óńdeý jumystaryn júrgizip, qaýipti aldyn alýda. Sondyqtan qazirgi ýaqytta oblys boiynsha eshqandai qaýip joq dese bolady. Jalpy jaǵdai baqylaýda, shegirtkelerdiń keń taralýy kútilmeidi.
