اباي وبلىسىندا شەگىرتكەنىڭ تارالۋىنا توسقاۋىل قويىلدى

جاربول كەنت ۇلى 13 ماۋ. 2024 12:03 2126

اباي وبلىسىنىڭ اۋىلدىق ايماقتارىندا زيانكەستەرگە قارسى ۋاقىتىلى وڭدەۋ شەگىرتكەلەردىڭ شابۋىلىمەن ءتيىمدى كۇرەسۋگە جانە ولاردىڭ تارالۋىن بولدىرماۋدى قامتاماسىز ەتتى. دەسەك تە بولاشاق ەگىندى ساقتاۋ ءۇشىن جاعداي ۇنەمى باقىلاۋدا ۇستاۋدىڭ ماڭىزى زور، – دەپ حابارلايدى Dalanews.kz اباي وبلىسى اكىمىنىڭ باسپا ءسوز قىزمەتىنە سىلتەمە جاساپ.

اباي وبلىسىنىڭ اۋىل شارۋاشىلىعى باسقارماسىنىڭ باسشىسى ەرتاي قۋانبايەۆتىڭ ايتۋىنشا، شەگىرتكەگە قارسى كۇرەس وبلىستىڭ 8 اۋدانىندا قارقىندى جۇرگىزىلۋدە. شەگىرتكەگە قارسى وڭدەۋدىڭ جالپى ەسەپتىك اۋدانى 77،4 مىڭ گەكتاردى قۇرايدى.

– بۇگىنگى كۇنگە زيانكەستەرگە قارسى كۇرەستكە 1 اسا جەڭىل اۆياسيا جانە 13 جەر ءۇستى جەلدەتكىش بۇرىككىشتەر جۇمىلدىرىلعان. ءۇيىرلى شەگىرتكەلەرگە قارسى كۇرەس بويىنشا ءىس-شارالار 8 اۋداندا (اباي، اياگوز، اقسۋات، بەسقاراعاي، بورودۋليحا، جارما، كوكپەكتى، ءۇرجار جانە جاڭاسەمەي اۋداندارى) جۇرگىزىلۋدە. قازىرگى تاڭدا 19،13 مىڭ گەكتار جەر (ازيالىق شەگىرتكە – 6،03 مىڭ گەكتار، يتالياندىق پرۋس – 13،1 مىڭ گەكتار) وڭدەلدى، – دەپ اتاپ ءوتتى باسقارما باسشىسى.

اعىمداعى جىلى شەگىرتكەلەرگە قارسى ءىس-شارالارعا جەرگىلىكتى بيۋدجەتتەن ءتيىستى قاراجات ءبولىنىپ، «SATTI TULEK» ج ش س مەردىگەر بولىپ بەلگىلەنگەن.

– ساياق زيانكەستەردىڭ  تارالۋ اۋماقتارى بويىنشا 5 اۋداندا وڭدەۋ باستالىپ، 2 مىڭ گەكتار جەر وڭدەلدى. 12 ماۋسىمدا اياگوز قالاسىنىڭ قاراۋىل اۋىلىنىڭ (اقشاتاۋ اۋىلدىق وكرۋگى) اۆتوتراسساسىنىڭ 5-45 شاقىرىمىندا، اقسۋات اۋدانىنىڭ قىزىلكەسىك اۋىلدىق وكرۋگىنىڭ اۋماعىندا شەگىرتكەنىڭ تارالۋى بايقالدى، – دەپ قورىتىندىلادى ەرتاي قۋانبايەۆ.

اۋىل شارۋاشىلىعى باسقارماسى اتالعان جەرگە 4 بۇرىككىش تەحنيكانى دەر كەزىندە جىبەرىپ، ءدال ۋاقىتىندا وڭدەۋ جۇمىستارىن جۇرگىزىپ، ءقاۋىپتى الدىن الۋدا. سوندىقتان قازىرگى ۋاقىتتا  وبلىس بويىنشا ەشقانداي ءقاۋىپ جوق دەسە بولادى. جالپى جاعداي باقىلاۋدا، شەگىرتكەلەردىڭ كەڭ تارالۋى كۇتىلمەيدى.


ۇسىنىلعان
سوڭعى جاڭالىقتار