Qazirgi tańda Semei qalasynyń ártúrli aýdanynda mektepterdiń qurylysy qarqyndy júrip jatyr. Aitalyq, Qaraǵaily shaǵyn aýdanynda 1200 oryndy, Vodnyi kentinde 600 oryndy, Aqsýat aýylynda 300 oryndy, Besqaraǵai aýylynda 300 oryndy, al Aiagóz qalasynyń «Et kombinaty» shaǵyn aýdanynda 600 oryndy mektep qurylysy qarqyndy júrip jatyr.
2025 jylǵa deiin Bilim berý infraqurylymyn qoldaý Qorynyń qarajaty esebinen 6 shaǵyn mektep, jáne jumys istep turǵan mektepterge 6 qosymsha qurylys salynady dep kútilýde.
Budan basqa balalardy qosymsha bilimmen jan-jaqty qamtý maqsatynda kópbeiindi Oqýshylar saraiyn salýdy josparlanǵan. Búginde qurylys jobasy ázirlenip, memlekettik saraptama qorytyndysy alynǵan. Jobanyń jalpy quny 11,4 mlrd teńgeni quraidy.
Prezident tapsyrmasyna sáikes Shákárim ýniversitetinde «Shakarim High School» jáne Á.Bókeihan ýniversitetinde «Abay IT-School» mektepteri ashylyp, oblys joǵary oqý oryndaryna qosymsha 500 arnaýly bilim granty bólinedi.
Sonymen qatar, 2025 jylǵa qarai Abai oblysynda 65 alǵashqy meditsinalyq-sanitarlyq kómek kórsetý nysanyn salý josparlanǵan. Nysandar «Aýyldyq densaýlyq saqtaýdy jańǵyrtý» jobasy aiasynda júzege asady.
Óńirdi damytýdyń keshendi josparyna Semei qalasyndaǵy quny 100,4 mlrd teńge bolatyn bes meditsinalyq mekeme engizilgen. Onyń ishinde 400 oryndyq kópsalaly aýrýhana, 300 oryndyq kópsalaly balalar aýrýhanasy, oblystyq qan ortalyǵy, Semei qalasynyń oń jáne sol jaǵalaýyndaǵy emhanalar bar.
Aita ketsek, 2023 jyly Abai oblysynda 235 shaqyrym jergilikti mańyzy bar jolǵa ortasha jóndeý jumystary júrgizilip, oǵan 9,9 mlrd teńge bólingen. «Aýyl – El besigi» baǵdarlamasy aiasynda jalpy uzyndyǵy 77 shaqyrymdy quraityn aýylishilik joldardy ortasha jóndeý jumystary júrgizildi. Jyl sońyna deiin joldardyń 90% standartty jaǵdaiǵa jetip, 2025 jylǵa qarai bul kórsetkishti 97% jetkizý josparlanǵan.
