Vıse-mınıstri Abaı oblysynyń turǵyndarymen kezdesýde óńirdegi energetıka salasyndaǵy búgingi ahýalǵa toqtaldy. Ol jylytý maýsymyna daıyndyq boıynsha atqarylǵan jumystardyń aýqymdylyǵyn atap ótti.
Óńirdiń damý bolashaǵyna jáne ótken jyldyń 30 qyrkúıeginde Memleket basshysy taprsyrmasyna sáıkes jańa jylý elektr ortalyǵyn salýǵa daıyndyq jumystary júrgizilip jatqanyn habardar etti.
– Aldaǵy ýaqytta Semeıde qatty otyndy jaǵýǵa jáne tútin gazdaryn lastaýshy zattardan tazartýǵa arnalǵan zamanaýı jabdyqtardy paıdalana otyryp, jylý men elektr energıasyn biriktirip óndirýdiń tıimdi tehnologıasyna negizdelgen zamanaýı jylý kózin qurý josparlanýda, – dedi vıse-mınıstr.
Jandos Nurmaǵanbetov atap ótken máseleniń biri – saıajaılardaǵy elektr jaryǵy. Ol aldaǵy ýaqytta atalmysh máseleniń sheshim tabatynyna sendirdi. Tómen vóltty jelilerdi salýǵa qazirdiń ózinde búdjet belgilengen.
Sonymen qatar, basqosýda turǵyndar páter ıeleriniń kooperatıvi, múlik ıeleriniń birlestigi men satýshylardy ústemesiz kómirmen qamtamasyz etý máselelerin de kóterip, jaýap ala aldy.
