ۆيسە-مينيسترى اباي وبلىسىنىڭ تۇرعىندارىمەن كەزدەسۋدە وڭىردەگى ەنەرگەتيكا سالاسىنداعى بۇگىنگى احۋالعا توقتالدى. ول جىلىتۋ ماۋسىمىنا دايىندىق بويىنشا اتقارىلعان جۇمىستاردىڭ اۋقىمدىلىعىن اتاپ ءوتتى.
ءوڭىردىڭ دامۋ بولاشاعىنا جانە وتكەن جىلدىڭ 30 قىركۇيەگىندە مەملەكەت باسشىسى تاپرسىرماسىنا سايكەس جاڭا جىلۋ ەلەكتر ورتالىعىن سالۋعا دايىندىق جۇمىستارى جۇرگىزىلىپ جاتقانىن حاباردار ەتتى.
![](/uploads/images/20240127155701807.jpg)
– الداعى ۋاقىتتا سەمەيدە قاتتى وتىندى جاعۋعا جانە ءتۇتىن گازدارىن لاستاۋشى زاتتاردان تازارتۋعا ارنالعان زاماناۋي جابدىقتاردى پايدالانا وتىرىپ، جىلۋ مەن ەلەكتر ەنەرگياسىن بىرىكتىرىپ ءوندىرۋدىڭ ءتيىمدى تەحنولوگياسىنا نەگىزدەلگەن زاماناۋي جىلۋ كوزىن قۇرۋ جوسپارلانۋدا، – دەدى ۆيسە-مينيستر.
جاندوس نۇرماعانبەتوۆ اتاپ وتكەن ماسەلەنىڭ ءبىرى – ساياجايلارداعى ەلەكتر جارىعى. ول الداعى ۋاقىتتا اتالمىش ماسەلەنىڭ شەشىم تاباتىنىنا سەندىردى. تومەن ۆولتتى جەلىلەردى سالۋعا ءقازىردىڭ وزىندە بيۋدجەت بەلگىلەنگەن.
سونىمەن قاتار، باسقوسۋدا تۇرعىندار پاتەر يەلەرىنىڭ كووپەراتيۆى، مۇلىك يەلەرىنىڭ بىرلەستىگى مەن ساتۋشىلاردى ۇستەمەسىز كومىرمەن قامتاماسىز ەتۋ ماسەلەلەرىن دە كوتەرىپ، جاۋاپ الا الدى.