Jyl basynan beri oblys boıynsha 4651 otbasy ataýly áleýmettik kómek alsa, onyń ishinde 1847-si kóp balaly otbasy.
Sonymen qatar óńirde kásipkerlikti damytý aıasynda jastarǵa 2,5% shaǵyn nesıe berý jumysy da bastaldy. Máselen, 211 shaǵyn nesıe berilip, 207 shaǵyn nesıe tólendi.
Prezıdent tapsyrmasymen múgedektigi bar adamdarǵa arnalǵan 150 oryndyq zamanaýı ońaltý ortalyǵy ashylǵan. Oblysta 24 481 múgedektigi bar adam turady. Onyń 2 905-i – balalar. Budan bólek, ońaltý sharalaryn arttyrý jáne odan ári beıimdeý, ómir súrý sapasyn jaqsartý úshin Semeı men Aıagózde 150 oryndyq eki ortalyq salý josparlanǵan.
Halyqtyń áleýmettik osal tobynyń turǵyn úı máselesin sheshý úshin jeke turǵyn úı qorynan jalǵa beriletin turǵyn úı úshin 50% ótemaqy tóleýge búdjetten 865 mıllıon teńge bólindi.
Sonymen qatar, bıyl Abaı oblysynda jalpy aýdany 480 myń sharshy metrdi quraıtyn 68 kóppáterli jáne jeke turǵyn úıdiń qurylysy júrgizilýde, onyń 343,1 myń sharshy metri paıdalanýǵa beriledi. Osylaısha baspanaǵa muqtaj 2443 otbasy turǵyn úımen qamtamasyz etilgen.
2026 jylǵa qaraı taǵy 148 kópqabatty turǵyn úıdi paıdalanýǵa berý josparlanýda. Bul shara 6800 otbasyna jeke baspana satyp alýǵa múmkindik beredi.
Aıta ketsek, jyl basynan beri 233,8 myń sharshy metr turǵyn úı paıdalanýǵa berilgen. Oblysta 19 myńnan astam adam baspana kezeginde tur, onyń ishinde 2442 adam kópbalaly otbasylar.
