جىل باسىنان بەرى وبلىس بويىنشا 4651 وتباسى اتاۋلى الەۋمەتتىك كومەك السا، ونىڭ ىشىندە 1847ء-سى كوپ بالالى وتباسى.
سونىمەن قاتار وڭىردە كاسىپكەرلىكتى دامىتۋ اياسىندا جاستارعا 2،5% شاعىن نەسيە بەرۋ جۇمىسى دا باستالدى. ماسەلەن، 211 شاعىن نەسيە بەرىلىپ، 207 شاعىن نەسيە تولەندى.
پرەزيدەنت تاپسىرماسىمەن مۇگەدەكتىگى بار ادامدارعا ارنالعان 150 ورىندىق زاماناۋي وڭالتۋ ورتالىعى اشىلعان. وبلىستا 24 481 مۇگەدەكتىگى بار ادام تۇرادى. ونىڭ 2 905ء-ى – بالالار. بۇدان بولەك، وڭالتۋ شارالارىن ارتتىرۋ جانە ودان ءارى بەيىمدەۋ، ءومىر ءسۇرۋ ساپاسىن جاقسارتۋ ءۇشىن سەمەي مەن اياگوزدە 150 ورىندىق ەكى ورتالىق سالۋ جوسپارلانعان.
حالىقتىڭ الەۋمەتتىك وسال توبىنىڭ تۇرعىن ءۇي ماسەلەسىن شەشۋ ءۇشىن جەكە تۇرعىن ءۇي قورىنان جالعا بەرىلەتىن تۇرعىن ءۇي ءۇشىن 50% وتەماقى تولەۋگە بيۋدجەتتەن 865 ميلليون تەڭگە ءبولىندى.
سونىمەن قاتار، بيىل اباي وبلىسىندا جالپى اۋدانى 480 مىڭ شارشى مەتردى قۇرايتىن 68 كوپپاتەرلى جانە جەكە تۇرعىن ءۇيدىڭ قۇرىلىسى جۇرگىزىلۋدە، ونىڭ 343،1 مىڭ شارشى مەترى پايدالانۋعا بەرىلەدى. وسىلايشا باسپاناعا مۇقتاج 2443 وتباسى تۇرعىن ۇيمەن قامتاماسىز ەتىلگەن.
2026 جىلعا قاراي تاعى 148 كوپقاباتتى تۇرعىن ءۇيدى پايدالانۋعا بەرۋ جوسپارلانۋدا. بۇل شارا 6800 وتباسىنا جەكە باسپانا ساتىپ الۋعا مۇمكىندىك بەرەدى.
ايتا كەتسەك، جىل باسىنان بەرى 233،8 مىڭ شارشى مەتر تۇرعىن ءۇي پايدالانۋعا بەرىلگەن. وبلىستا 19 مىڭنان استام ادام باسپانا كەزەگىندە تۇر، ونىڭ ىشىندە 2442 ادام كوپبالالى وتباسىلار.
