Abai oblysy Geologiialyq barlaý kolledjinde mektep oqýshylaryna arnalǵan jas geologtardyń II Respýblikalyq dalalyq olimpiadasynyń ashylý saltanaty ótti. Jarys 8–15 shilde aralyǵynda kolledj bazasynda jáne Qaraýyl shoqy oqý poligonynda ótedi,- dep habarlaidy Dalanews.kz
Olimpiadanyń jabylý rásimi 14 shildege josparlanǵan.
Olimpiadanyń maqsaty – oqýshylardyń geologiiaǵa qyzyǵýshylyǵyn arttyrý, erte kásibi baǵdar berý, geoekologiia men jer qoinaýyn utymdy paidalaný máselelerine nazar aýdartý.
Biylǵy saiysqa elimizdiń ár óńirinen 15 komanda qatysyp jatyr. Qatysýshylar paleontologiia, mineralogiia jáne petrografiia, magnitometriia, gidrogeologiia, geologiialyq qima jasaý, munai men gazdy izdeý, dala jaǵdaiynda turaq uiymdastyrý jáne shlihti synaý sekildi baǵyttar boiynsha baq synaidy.
Ashylý saltanatynda demeýshi kompaniialar men uiymdardyń ókilderi qatysýshylarǵa sáttilik tilep, quttyqtaý sóz sóiledi. Olimpiada qorytyndysynda jekelegen pánder boiynsha úzdik shyqqan oqýshylar Satbayev University, QBTÝ, Atyraý munai jáne gaz ýniversiteti, Qaraǵandy tehnikalyq ýniversiteti syndy jetekshi joǵary oqý oryndarynyń bilim granttaryna ie bolady.
Olimpiada QR Geologiia komitetiniń qoldaýymen «Jas geolog» korporativtik qory men Geologiialyq barlaý kolledjiniń uiymdastyrýymen ótkizilip jatyr. Demeýshiler qatarynda – Kazakhmys, ERG, Kazzinc, Yer-Tai, Geoken, «Alel» qarjy-investitsiialyq korporatsiiasy, Embimunaigaz, ProLabSupport jáne Solidcore Resources kompaniialary bar.
Qazylar alqasyna joǵary oqý oryndarynyń professor-oqytýshylary, óndiris salasynyń jetekshi mamandary jáne kolledj ustazdary tartylǵan.
Jas geologtar olimpiadasy – bolashaq mamandardy daiarlaýǵa jol ashatyn kásibi alań ǵana emes, sonymen birge óskeleń urpaqqa týǵan jerge degen súiispenshilik pen patriottyq sezim qalyptastyratyn taǵylymdy bastama.
