Abaı oblysynda "Taza Qazaqstan" baǵdarlamasy aıasynda jalpyóńirlik tazalyq aksıasy jalǵasyp jatyr, dep habarlaıdy Dalanews.kz
Aımaq turǵyndary apta saıynǵy senbilikke belsendi qatysyp jatyr.
Kókpekti aýdanynda tazalyq aksıasy keń aýqymda ótti. Aýdan boıynsha 2200-den astam turǵyn, 63 mekeme (onyń ishinde 14 kásiporyn) belsene atsalysty. Tazalyq jumysyna 36 arnaıy tehnıka jumyldyryldy. Senbilik barysynda 1800-den astam aýla, 15 saıabaq, 26 aryq tazartyldy jáne 47 tonna qoqys shyǵaryldy.
«Taza Qazaqstan» ekologıalyq aksıasy Aıagóz aýdanynda da joǵary deńgeıde uıymdastyryldy. Senbilikke 3 myńnan astam adam (ártúrli mekeme qyzmetkerleri, jastar) qatysty. 65 tehnıka jumyldyrylyp, kósheler, qoǵamdyq oryndar, saıabaqtar men sý aıdyndarynyń mańaıy tazartyldy. Aýdan aýmaǵynan 780 tonna turmystyq jáne óndiristik qaldyqtar shyǵaryldy.
Sondaı-aq, Aıagóz qalasyndaǵy birneshe kóshege tegin konteınerler qoıyldy. Aýdan ákimdiginiń habarlaýynsha, mundaı konteınerler shahardaǵy barlyq jer úılerdiń janyna ornatylady.
Aıta keteıik, aımaqta 5 sáýirden Prezıdenttiń "Taza Qazaqstan" baǵdarlamasy aıasynda oblys ákimi Berik Ýálıdiń bastamasymen jalpyóńirlik tazalyq aksıasy bastalǵan bolatyn.
