اباي وبلىسىندا "تازا قازاقستان" باعدارلاماسى اياسىندا جالپىٶڭٸرلٸك تازالىق اكتسيياسى جالعاسىپ جاتىر, دەپ حابارلايدى Dalanews.kz
ايماق تۇرعىندارى اپتا سايىنعى سەنبٸلٸككە بەلسەندٸ قاتىسىپ جاتىر.
كٶكپەكتٸ اۋدانىندا تازالىق اكتسيياسى كەڭ اۋقىمدا ٶتتٸ. اۋدان بويىنشا 2200-دەن استام تۇرعىن, 63 مەكەمە (ونىڭ ٸشٸندە 14 كەسٸپورىن) بەلسەنە اتسالىستى. تازالىق جۇمىسىنا 36 ارنايى تەحنيكا جۇمىلدىرىلدى. سەنبٸلٸك بارىسىندا 1800-دەن استام اۋلا, 15 ساياباق, 26 ارىق تازارتىلدى جەنە 47 توننا قوقىس شىعارىلدى.
«تازا قازاقستان» ەكولوگييالىق اكتسيياسى اياگٶز اۋدانىندا دا جوعارى دەڭگەيدە ۇيىمداستىرىلدى. سەنبٸلٸككە 3 مىڭنان استام ادام (ەرتٷرلٸ مەكەمە قىزمەتكەرلەرٸ, جاستار) قاتىستى. 65 تەحنيكا جۇمىلدىرىلىپ, كٶشەلەر, قوعامدىق ورىندار, ساياباقتار مەن سۋ ايدىندارىنىڭ ماڭايى تازارتىلدى. اۋدان اۋماعىنان 780 توننا تۇرمىستىق جەنە ٶندٸرٸستٸك قالدىقتار شىعارىلدى.
سونداي-اق, اياگٶز قالاسىنداعى بٸرنەشە كٶشەگە تەگٸن كونتەينەرلەر قويىلدى. اۋدان ەكٸمدٸگٸنٸڭ حابارلاۋىنشا, مۇنداي كونتەينەرلەر شاھارداعى بارلىق جەر ٷيلەردٸڭ جانىنا ورناتىلادى.
ايتا كەتەيٸك, ايماقتا 5 سەۋٸردەن پرەزيدەنتتٸڭ "تازا قازاقستان" باعدارلاماسى اياسىندا وبلىس ەكٸمٸ بەرٸك ۋەليدٸڭ باستاماسىمەن جالپىٶڭٸرلٸك تازالىق اكتسيياسى باستالعان بولاتىن.
