ۇلىبريتانييا قورعانىس مينيسترٸ دجون حيلي مٸنگەن كورولدٸك ەۋە كٷشتەرٸنٸڭ ۇشاعى رەسەي شەكاراسىنا جاقىن ماڭدا GPS سيگنالىن جوعالتقان, دەپ حابارلايدى dalanews.kz.
بريتاندىق باق مەلٸمەتٸنشە, وقيعا مينيستر ەستونييادا ورنالاسقان بريتان ەسكەريلەرٸمەن كەزدەسٸپ, ەلگە قايتىپ بارا جاتقان كەزدە بولعان. بۇل تۋرالى العاش The Times جازدى. كەيٸن اقپاراتتى Sky News پەن The Guardian دا تاراتتى.
حابارلارعا قاراعاندا, ۇشاق رەسەي شەكاراسىنا جاقىن ايماقتان ٶتكەن سەتتە GPS سيگنالى بۇعاتتالعان بولۋى مٷمكٸن. كەيبٸر بريتاندىق باسىلىمدار مۇنى رەسەي تاراپىنان جاسالعان ەلەكتروندى كەدەرگٸ بولۋى ىقتيمال دەپ جازدى. الايدا مەسكەۋ بۇل اقپاراتقا قاتىستى رەسمي پٸكٸر بٸلدٸرگەن جوق.
GPS جٷيەسٸ ۇشۋ بارىسىندا قولجەتٸمسٸز بولعاندىقتان, ەكيپاج بالاما ناۆيگاتسييالىق جٷيەگە سٷيەنۋگە مەجبٷر بولعان. سوعان قاراماستان, ۇشاقتىڭ قاۋٸپسٸزدٸگٸنە تٸكەلەي قاۋٸپ تٶنبەگەنٸ ايتىلدى.
بورتتا دجون حيليمەن بٸرگە ونىڭ كەڭەسشٸلەرٸ, فوتوگرافتار مەن جۋرناليستەر دە بولعان. The Times دەرەگٸنشە, Dassault Falcon 900LX ۇشاعىنىڭ باعىتى اشىق باقىلاۋ سايتتارىندا كٶرٸنٸپ تۇرعان. سوندىقتان مينيستر مٸنگەن ەۋە كەمەسٸ ارنايى نىساناعا الىندى ما, جوق پا – ەزٸرگە بەلگٸسٸز.
ۇلىبريتانييا قورعانىس مينيسترلٸگٸندەگٸ اتى-جٶنٸن اتاماعان دەرەككٶز بۇل جاعدايدى "رەسەي تاراپىنان جاسالعان ابايسىز ارالاسۋ" دەپ باعالاعان. ونىڭ ايتۋىنشا, بريتاندىق ەۋە كٷشتەرٸ مۇنداي ەلەكتروندى كەدەرگٸلەرگە قارسى ەرەكەت ەتۋگە دايىن.
بۇل وقيعا رەسەي مەن باتىس اراسىنداعى ەسكەري-ساياسي احۋال شيەلەنٸسكەن كەزەڭدە تٸركەلٸپ وتىر. بۇعان دەيٸن دە رەسەي شەكاراسىنا جاقىن ايماقتاردا GPS سيگنالىن بۇعاتتاۋ جاعدايلارى بولعانى حابارلانعان.
