Ulybritaniia qorǵanys ministri Djon Hili mingen Koroldik áýe kúshteriniń ushaǵy Resei shekarasyna jaqyn mańda GPS signalyn joǵaltqan, dep habarlaidy dalanews.kz.
Britandyq BAQ málimetinshe, oqiǵa ministr Estoniiada ornalasqan britan áskerilerimen kezdesip, elge qaityp bara jatqan kezde bolǵan. Bul týraly alǵash The Times jazdy. Keiin aqparatty Sky News pen The Guardian da taratty.
Habarlarǵa qaraǵanda, ushaq Resei shekarasyna jaqyn aimaqtan ótken sátte GPS signaly buǵattalǵan bolýy múmkin. Keibir britandyq basylymdar muny Resei tarapynan jasalǵan elektrondy kedergi bolýy yqtimal dep jazdy. Alaida Máskeý bul aqparatqa qatysty resmi pikir bildirgen joq.
GPS júiesi ushý barysynda qoljetimsiz bolǵandyqtan, ekipaj balama navigatsiialyq júiege súienýge májbúr bolǵan. Soǵan qaramastan, ushaqtyń qaýipsizdigine tikelei qaýip tónbegeni aityldy.
Bortta Djon Hilimen birge onyń keńesshileri, fotograftar men jýrnalister de bolǵan. The Times dereginshe, Dassault Falcon 900LX ushaǵynyń baǵyty ashyq baqylaý saittarynda kórinip turǵan. Sondyqtan ministr mingen áýe kemesi arnaiy nysanaǵa alyndy ma, joq pa – ázirge belgisiz.
Ulybritaniia Qorǵanys ministrligindegi aty-jónin atamaǵan derekkóz bul jaǵdaidy "Resei tarapynan jasalǵan abaisyz aralasý" dep baǵalaǵan. Onyń aitýynsha, britandyq áýe kúshteri mundai elektrondy kedergilerge qarsy áreket etýge daiyn.
Bul oqiǵa Resei men Batys arasyndaǵy áskeri-saiasi ahýal shielenisken kezeńde tirkelip otyr. Buǵan deiin de Resei shekarasyna jaqyn aimaqtarda GPS signalyn buǵattaý jaǵdailary bolǵany habarlanǵan.
