Oblys ákimi Berik Ýáli aimaq turǵyndaryna arnaiy úndeý jasap, jalpyóńirlik tazalyq aktsiiasynyń bastalatynyn jariialady, dep habarlaidy Dalanews.kz
Aimaq basshysy «Taza Qazaqstan» baǵdarlamasy aiasynda ótetin tazalyq sharasy bir rettik aktsiia emes, jyl boiy jalǵasatynyn atap ótti.
«Aimaq ekonomikasy, óneri men mádenieti, ekologiiasy men tazalyǵy – barshamyzǵa ortaq. Al tazalyq degenimiz – jylyna bir ret senbilikke qatysý emes, bul – bizdiń óńirde qalyptasýy tiis úlken mádeniet. Memleket basshysy Qasym-Jomart Kemeluly Toqaev bul jóninde «Qalalar men aýyldardyń sáýletti, saiabaqtar men aýlanyń taza bolýy, eń aldymen, basqaǵa emes, ózimizge kerek», – dep atap ótken bolatyn.
«Týǵan jerimizdiń túlegeni, turǵan ortamyzdyń kirshiksiz bolǵany, eń aldymen, ózimizge kerek. Oblysymyzdyń tazalyǵy – ákimdik pen kommýnaldyq qyzmettiń ǵana emes, árbir azamattyń, árbir otbasynyń jaýapkershiligi» dedi oblys ákimi úndeýinde.
Bastama aiasynda arnaiy baiqaý jariialanady. Tazalyq janashyrlary «Úzdik aýdan», «úzdik aýyl», «úzdik aýla», «úzdik ýniversitet», «úzdik kolledj», «úzdik mektep», «úzdik balabaqsha», «úzdik kóshe», «úzdik mekeme» nominatsiialary boiynsha marapattalady. Jeńimpazdarǵa qomaqty syilyqtar taǵaiyndalady.
Oblysta abattandyrý, joldardy, aýlalardy, saiabaqtardy jóndeý, qoǵamdyq kólikterdi jańartý jumysy jalǵasady. Biyl óńirde 400 shaqyrym jol jóndelip, «Aýyl – el besigi» baǵdarlamasy aiasynda 223 shaqyrym jol qaita jańǵyrtylady. 77 myń túp aǵash egiledi. Semei qalasynda 22 aýlany abattandyrý josparlanǵan. Onyń 11-i sol jaǵalaýda, 11-i oń jaǵalaýda.
Budan bólek oblys ortalyǵynda 210 avtobýs aialdamasy ornatylady. 60 jańa avtobýs qala kóshelerine shyǵady. Shahar joldaryn tazalaý úshin merdiger kompaniialar túrli tiptegi 10 arnaiy tehnika satyp aldy. Aldaǵy ýaqytta da olardyń sany kóbeiedi.
Sondai-aq biyl Semeidegi 10, aýdandardaǵy 100-ge jýyq kóshe jaryqtandyrylady. Oblys ákimi óńir uly Abaidyń 180 jyldyǵyna ázirlenip jatqanyn, mereitoidy laiyqty deńgeide atap ótý kerektigin aitty.
Aimaq basshysy biznes ókilderin, irgeli oqý oryndaryn, jastar men eriktilerdi, kásiporyndar men uiymdardy igi bastamaǵa belsendi atsalysýǵa shaqyrdy.
