Aiagóz garnizonyndaǵy áskeri bólimderdiń birinde merzimdi áskeri qyzmetin ótep júrgen sarbaz ata-anasymen birge demalystan bólimge oralý kezinde jol-kólik oqiǵasyna ushyrap, úsheýi de kóz jumdy. Jantúrshigerlik oqiǵa 28 maýsym kúni Abai oblysyndaǵy Óskemen – Almaty tas jolynda boldy,- dep habarlaidy Dalanews.kz Qorǵanys ministrligine silteme jasap.
Qorǵanys ministrliginiń Qurlyq áskerleri marqumdardyń jaqyndaryna kóńil aityp, sarbaz ben onyń ata-anasynyń denelerin turǵylyqty jerine jetkizý úshin áskeri ushaq bólingenin málimdedi. Sondai-aq qaza tapqandardyń týystaryna tiisti kómek kórsetiletinin habarlady.
"Aldyn ala málimet boiynsha, Toyota Lumiere kóliginiń 62 jastaǵy júrgizýshisi qarsy baǵytqa shyǵyp ketip, qarsy kele jatqan Toyota Land Cruiser avtokóligimen soqtyǵysqan. Jol-kólik oqiǵasy saldarynan Toyota Lumiere júrgizýshisi men úsh jolaýshysy oqiǵa ornynda kóz jumdy. Atalǵan fakti boiynsha sotqa deiingi tergeý bastaldy. Qajetti tergeý áreketteri júrgizilip jatyr, sot-meditsinalyq saraptamalar taǵaiyndaldy", – dedi Abai oblystyq politsiia departamenti.
Keiin jol apatynda qaza tapqan tórtinshi adamnyń sarbaz ben onyń ata-anasyn bólimge jetkizip bara jatqan taksi júrgizýshisi ekeni anyqtaldy.
Atalǵan fakti boiynsha sotqa deiingi tergeý amaldary bastaldy. Qajetti saraptamalar taǵaiyndaldy. Isti politsiia men ýákiletti organdar tergep jatyr.
