اياگٶز گارنيزونىنداعى ەسكەري بٶلٸمدەردٸڭ بٸرٸندە مەرزٸمدٸ ەسكەري قىزمەتٸن ٶتەپ جٷرگەن سارباز اتا-اناسىمەن بٸرگە دەمالىستان بٶلٸمگە ورالۋ كەزٸندە جول-كٶلٸك وقيعاسىنا ۇشىراپ, ٷشەۋٸ دە كٶز جۇمدى. جانتٷرشٸگەرلٸك وقيعا 28 ماۋسىم كٷنٸ اباي وبلىسىنداعى ٶسكەمەن – الماتى تاس جولىندا بولدى,- دەپ حابارلايدى Dalanews.kz قورعانىس مينيسترلٸگٸنە سٸلتەمە جاساپ.
قورعانىس مينيسترلٸگٸنٸڭ قۇرلىق ەسكەرلەرٸ مارقۇمداردىڭ جاقىندارىنا كٶڭٸل ايتىپ, سارباز بەن ونىڭ اتا-اناسىنىڭ دەنەلەرٸن تۇرعىلىقتى جەرٸنە جەتكٸزۋ ٷشٸن ەسكەري ۇشاق بٶلٸنگەنٸن مەلٸمدەدٸ. سونداي-اق قازا تاپقانداردىڭ تۋىستارىنا تيٸستٸ كٶمەك كٶرسەتٸلەتٸنٸن حابارلادى.
"الدىن الا مەلٸمەت بويىنشا, Toyota Lumiere كٶلٸگٸنٸڭ 62 جاستاعى جٷرگٸزۋشٸسٸ قارسى باعىتقا شىعىپ كەتٸپ, قارسى كەلە جاتقان Toyota Land Cruiser اۆتوكٶلٸگٸمەن سوقتىعىسقان. جول-كٶلٸك وقيعاسى سالدارىنان Toyota Lumiere جٷرگٸزۋشٸسٸ مەن ٷش جولاۋشىسى وقيعا ورنىندا كٶز جۇمدى. اتالعان فاكتٸ بويىنشا سوتقا دەيٸنگٸ تەرگەۋ باستالدى. قاجەتتٸ تەرگەۋ ەرەكەتتەرٸ جٷرگٸزٸلٸپ جاتىر, سوت-مەديتسينالىق ساراپتامالار تاعايىندالدى", – دەدٸ اباي وبلىستىق پوليتسييا دەپارتامەنتٸ.
كەيٸن جول اپاتىندا قازا تاپقان تٶرتٸنشٸ ادامنىڭ سارباز بەن ونىڭ اتا-اناسىن بٶلٸمگە جەتكٸزٸپ بارا جاتقان تاكسي جٷرگٸزۋشٸسٸ ەكەنٸ انىقتالدى.
اتالعان فاكتٸ بويىنشا سوتقا دەيٸنگٸ تەرگەۋ امالدارى باستالدى. قاجەتتٸ ساراپتامالار تاعايىندالدى. ٸستٸ پوليتسييا مەن ۋەكٸلەتتٸ ورگاندار تەرگەپ جاتىر.
