Abai oblysynda arnaiy bilim berý uiymdarynyń qyzmetine keshendi monitoring bastaldy. Oǵan oblys ákiminiń orynbasary Jasulan Sársebaev, bilim basqarmasynyń basshysy, sondai-aq adam quqyqtary men bala quqyqtary jónindegi óńirlik ýákilder qatysty,- dep habarlaidy Dalanews.kz
Monitoring aiasynda oqý protsesi, materialdyq-tehnikalyq baza jáne jóndeý jumystarynyń jai-kúii qarastyrylady. Ásirese, shatyrdy jóndeý men sport zaldaryn salý qajettiligine asa mán berildi.
Aldyn ala monitoring nátijeleri boiynsha arnaiy bilim berý uiymdarynyń infraqurylymyn jetildirý jumystary qolǵa alynady. Osyǵan bailanysty «Jol kartasy» ázirlenedi. Ol balalardyń ómir súrý sapasyn arttyrýǵa, inkliýzivti bilim berý júiesin nyǵaitýǵa baǵyttalǵan.
Sonymen qatar erekshe bilim berý qajettilikteri bar jastardyń sapaly bilim alýyn qamtamasyz etý maqsatynda birneshe kolledjge inkliýzivti baǵdarlamalar engizýdi qarastyrý usynyldy. Bul qadam erekshe qajettilikteri bar jastarǵa qoljetimdi mamandyqtardy igerýge múmkindik berip, olardyń qoǵamǵa tolyq beiimdelýine yqpal etedi.
