اباي وبلىسىندا ارنايى ءبىلىم بەرۋ ۇيىمدارىنىڭ قىزمەتىنە كەشەندى مونيتورينگ باستالدى. وعان وبلىس اكىمىنىڭ ورىنباسارى جاسۇلان سارسەبايەۆ، ءبىلىم باسقارماسىنىڭ باسشىسى، سونداي-اق ادام قۇقىقتارى مەن بالا قۇقىقتارى جونىندەگى وڭىرلىك ۋاكىلدەر قاتىستى،- دەپ حابارلايدى Dalanews.kz
مونيتورينگ اياسىندا وقۋ پروسەسى، ماتەريالدىق-تەحنيكالىق بازا جانە جوندەۋ جۇمىستارىنىڭ جاي-كۇيى قاراستىرىلادى. اسىرەسە، شاتىردى جوندەۋ مەن سپورت زالدارىن سالۋ قاجەتتىلىگىنە اسا ءمان بەرىلدى.
الدىن الا مونيتورينگ ناتيجەلەرى بويىنشا ارنايى ءبىلىم بەرۋ ۇيىمدارىنىڭ ينفراقۇرىلىمىن جەتىلدىرۋ جۇمىستارى قولعا الىنادى. وسىعان بايلانىستى «جول كارتاسى» ازىرلەنەدى. ول بالالاردىڭ ءومىر ءسۇرۋ ساپاسىن ارتتىرۋعا، ينكليۋزيۆتى ءبىلىم بەرۋ جۇيەسىن نىعايتۋعا باعىتتالعان.
سونىمەن قاتار ەرەكشە ءبىلىم بەرۋ قاجەتتىلىكتەرى بار جاستاردىڭ ساپالى ءبىلىم الۋىن قامتاماسىز ەتۋ ماقساتىندا بىرنەشە كوللەدجگە ينكليۋزيۆتى باعدارلامالار ەنگىزۋدى قاراستىرۋ ۇسىنىلدى. بۇل قادام ەرەكشە قاجەتتىلىكتەرى بار جاستارعا قولجەتىمدى ماماندىقتاردى يگەرۋگە مۇمكىندىك بەرىپ، ولاردىڭ قوعامعا تولىق بەيىمدەلۋىنە ىقپال ەتەدى.
