مەكتەپ ديرەكتورى ەرٸ ەلەۋمەتتٸك جەلٸدە تانىمال ۇستاز اقمونشاق نۇرتازا دەنساۋلىعىنا بايلانىستى اۋرۋحاناعا تٷسكەنٸن ايتتى. ول بۇل تۋرالى Instagram پاراقشاسىندا جازىپ, وقۋ جىلىنىڭ سوڭىنا دەيٸن شىداي الماي اۋىرعانىن جەتكٸزدٸ, دەپ حابارلايدى dalanews.kz.
"وقۋ جىلىنىڭ سوڭىنا جەتە الماي, اۋىرىپ قالىپپىن. بٸراق شٷكٸر, كەرەمەت دەرٸگەرلەردٸڭ قولىنا تٷستٸم. سٸزدەردٸڭ اق تٸلەكتەرٸڭٸز بەن دۇعالارىڭىزدىڭ ارقاسىندا تەزٸرەك ساۋىعىپ كەتەمٸن دەپ سەنەمٸن", – دەپ جازدى ول.
اقمونشاق نۇرتازا سوڭعى ٷش جىلدا ٶزٸن كەيٸنگە ىسىرىپ, دەنساۋلىعىنا جەتكٸلٸكتٸ كٶڭٸل بٶلمەگەنٸن دە اشىق ايتتى. ونىڭ سٶزٸنشە, ديرەكتورلىق قىزمەتكە كٸرٸسكەننەن بەرٸ جۇمىستى بٸرٸنشٸ ورىنعا قويىپ, دەرٸگەرگە قارالۋعا ۋاقىت تاپپاعان.
"ديرەكتور بولعانىما 3 جىل بولىپتى. وسى ۋاقىت ٸشٸندە ٶزٸمدٸ كەيٸنگە ىسىرىپ, دەرٸگەرگە قارالۋعا ۋاقىت تاپپادىم. ٷنەمٸ جۇمىستى, ۋاقىتتى سىلتاۋ ەتتٸم. بٸراق دەنساۋلىق كٷتپەيدٸ ەكەن", – دەدٸ ول.
ۇستاز وقىرماندارىنا ٶز دەنساۋلىعىنا بەيجاي قاراماۋعا كەڭەس بەردٸ. ونىڭ ايتۋىنشا, ادام ەڭ الدىمەن ٶزٸنە, سودان كەيٸن وتباسى مەن جاقىندارىنا كەرەك.
سونىمەن قاتار اقمونشاق نۇرتازا دەرٸگەرلەرگە العىس ايتىپ, ناركوزبەن جاسالعان زەرتتەۋدەن كەيٸن جاعدايى جاقسى ەكەنٸن جەتكٸزدٸ.
"دەنساۋلىق – بەرٸنەن قىمبات. اۋىرماڭىزدار. دەرٸگەرلەرگە ەرەكشە رەسپەكت. بٸز, ۇستازدار, كەيدە جۇمىسىمىزدى قيىن سانايمىز, بٸراق دەرٸگەرلەردٸڭ ەڭبەگٸنە باس يەمٸن. امان بولىڭىزدار, اق حالاتتى ابزال جاندار", – دەپ جازدى ول.
