Abai oblysynda 394,3 myń sharshy metr turǵyn úi qurylysy júrgizilýde. Bul 3882 otbasyn turǵyn úimen qamtamasyz etýge múmkindik beredi, dep habarlaidy, Dalanews.kz.
Bul týraly oblystyń áleýmettik - ekonomikalyq damý máseleleri jónindegi keńeitilgen keńeste oblys ákiminiń orynbasary Dimitrii Garikov atap ótti.
Aǵymdaǵy jyly jalpy aýdany 119,3 myń sharshy metr (1328 páter) 23 kredittik úi salynýda, onyń 21 -i Semeide bolsa 2 -i Aiagózde. Sondai-aq, Semeide jeke investorlar esebinen jalpy aýdany 165,2 myń sharshy metr (1984 páter) 22 kommertsiialyq úi salynýda.
Jeke turǵyn úi qurylysy (JTQ) 109,8 myń sharshy metrdi quraidy (570 úi). Onyń ishinde turǵyndar esebinen 56 myń sharshy metr (300 úi) salynýda.
Budan basqa, halyqtyń áleýmettik osal toptary úshin jalpy aýdany 53,8 myń sharshy metrdi quraityn jalǵa beriletin 896 páter satyp alý josparlanýda. Buǵan 2024 jyly 13,9 milliard teńge bólindi. Turǵyndardyń jalǵa beriletin úilerdiń sapasy týraly kóptegen eskertýlerine jaýap retinde satyp alynatyn turǵyn úi qurylysynyń úlgilik jobasy bekitildi.
