اباي وبلىسىندا 394،3 مىڭ شارشى مەتر تۇرعىن ءۇي قۇرىلىسى جۇرگىزىلۋدە. بۇل 3882 وتباسىن تۇرعىن ۇيمەن قامتاماسىز ەتۋگە مۇمكىندىك بەرەدى، دەپ حابارلايدى،  Dalanews.kz. 

بۇل تۋرالى وبلىستىڭ الەۋمەتتىك - ەكونوميكالىق دامۋ ماسەلەلەرى جونىندەگى كەڭەيتىلگەن كەڭەستە وبلىس اكىمىنىڭ ورىنباسارى ديميتريي گاريكوۆ اتاپ ءوتتى.

اعىمداعى جىلى جالپى اۋدانى 119،3 مىڭ شارشى مەتر (1328 پاتەر) 23 كرەديتتىك ءۇي سالىنۋدا، ونىڭ 21 ء-ى سەمەيدە بولسا 2 ء-ى اياگوزدە. سونداي-اق، سەمەيدە جەكە ينۆەستورلار ەسەبىنەن جالپى اۋدانى 165،2 مىڭ شارشى مەتر (1984 پاتەر) 22 كوممەرسيالىق ءۇي سالىنۋدا.
جەكە تۇرعىن ءۇي قۇرىلىسى (جتق) 109،8 مىڭ شارشى مەتردى قۇرايدى (570 ءۇي). ونىڭ ىشىندە تۇرعىندار ەسەبىنەن 56 مىڭ شارشى مەتر (300 ءۇي) سالىنۋدا.

بۇدان باسقا، حالىقتىڭ الەۋمەتتىك وسال توپتارى ءۇشىن جالپى اۋدانى 53،8 مىڭ شارشى مەتردى قۇرايتىن جالعا بەرىلەتىن 896 پاتەر ساتىپ الۋ جوسپارلانۋدا. بۇعان 2024 جىلى 13،9 ميلليارد تەڭگە ءبولىندى. تۇرعىنداردىڭ جالعا بەرىلەتىن ۇيلەردىڭ ساپاسى تۋرالى كوپتەگەن ەسكەرتۋلەرىنە جاۋاپ رەتىندە ساتىپ الىناتىن تۇرعىن ءۇي قۇرىلىسىنىڭ ۇلگىلىك جوباسى بەكىتىلدى.