جەتٸسۋداعى الاكٶل جاعالاۋىندا جازعى ماۋسىم باستالعانى بەرٸ شاعىن كٶلەمدٸ كەمەلەردٸ پايدالانۋ ەرەجەسٸ تالاپتارىن بۇزعان ازاماتتارعا قاتىستى 109 ەكٸمشٸلٸك جازا قولدانىلدى. بۇل قابىلدانعان شارالار دەمالۋشىلاردىڭ قاۋٸپسٸزدٸگٸن قامتاماسىز ەتۋگە باعىتتالعان, دەپ حابارلايدى dalanews.kz.
- بيىلعى جىلدىڭ 15 مامىرىنان بەرٸ تجد قىزمەتكەرلەرٸ باسقا دا جاۋاپتى ورگاندارمەن بٸرلەسٸپ 90 كٷندٸزگٸ جەنە 62 تٷنگٸ رەيد ۇيىمداستىرىلدى. سۋ كٶلٸكتەرٸن تەكسەرۋ ٶكٸلەتتٸگٸ بەرٸلگەن سەتتەن باستاپ شاعىن كەمەلەردٸ پايدالانۋ تالاپتارىن بۇزۋ فاكتٸسٸ قاتىستى 109 حاتتاما تولتىرىلىپ, 1 ملن 654 مىڭ تەڭگەدەن استام ايىپپۇل سالىندى. اتاپ ايتقاندا, كەمەنٸڭ بورت نٶمٸرلەرٸنٸڭ بولماۋى, بەلگٸلەنگەن شامادان تىس ارتىق جولاۋشى الىپ جٷرۋ, ٶزٸنٸڭ قۇجاتى جوق نەمەسە كەمە بيلەتٸ جوق بولعان جاعدايلار, ناۆيگاتسييالىق بەلگٸلەر تالاپتارىن ساقتاماۋ, قۇتقارۋ جيلەتٸنٸڭ بولماۋى سيياقتى زاڭبۇزۋشىلىقتارعا شارا قولدانىلدى. شاعىن كٶلەمدٸ كەمەلەردٸ پايدالانۋ قاعيدالارى مەن قاۋٸپسٸزدٸك تالاپتارىن بۇزعان تۇلعالارعا زاڭناماعا سەيكەس قاتاڭ ەكٸمشٸلٸك ىقپال ەتۋ شارالارى قولدانىلادى, - دەدٸ جەتٸسۋ وبلىسىنىڭ تٶتەنشە جاعدايلار دەپارتامەنتٸنٸڭ باستىعى قانات التىنبەكوۆ.
سونىمەن قاتار پوليتسييا قىزمەتكەرلەرٸ تاراپىنان جاعالاۋدا جٷرگٸزٸلگەن قۇقىقتىق تەرتٸپتٸڭ ساقتالۋىن قامتاماسىز ەتۋ ماقساتىنداعى رەيدتٸك شارالارى بارىسىندا 1755 ەكٸمشٸلٸك قۇقىق بۇزۋشىلىق انىقتالىپ, ەكٸمشٸلٸك حاتتامالار تولتىرىلدى, 3,5 مىڭ تەڭگەگە جۋىق ەكٸمشٸلٸك ايىپپۇل سالىندى. سونىڭ ٸشٸندە ۇساق بۇزاقىلىق, تىنىشتىقتى بۇزۋ, الكوگولدٸك ٸشٸمدٸكتەردٸ ٸشۋ نەمەسە قوعامدىق ورىندارعا ماساڭ كٷيدە كەلۋ, اباتتاندىرۋ قاعيدالارىن بۇزۋ, جولدا جٷرۋ ەرەجەلەرٸن بۇزۋ فاكتٸلەرٸ بار.
بۇل رەتتە الاكٶل كٶلٸندە دەمالۋشىلاردىڭ قاۋٸپسٸزدٸگٸن قامتاماسىز ەتۋ ماقساتىندا جاعالاۋ اۋماعىندا تەۋلٸك بويى كەزەكشٸلٸك ۇيىمداستىرىلعان. بۇل جۇمىستارعا 14 قۇتقارۋشى, 11 موتورلى قايىق جۇمىلدىرىلعان. وعان قوسا قوسىمشا وبلىستىق تجد ماماندارى الدىن الۋ شارالارىنا تۇراقتى تٷردە تارتىلۋدا. سونىمەن قاتار بيىلعى شومىلۋ ماۋسىمىندا قوعامدىق تەرتٸپتٸ قامتاماسىز ەتۋ ٷشٸن 50 پوليتسييا قىزمەتكەرٸ, 16 قىزمەتتٸك اۆتوكٶلٸك جەنە 5 ۇشقىشسىز درون تارتىلعان. سونداي-اق, سۋ كٶلٸكتەرٸنە ارنالعان ايىپ تۇراعى بار.
سونىمەن قاتار جاعالاۋ بويىندا 40 قۇتقارۋ مۇناراسى ورناتىلىپ, 13 شاقىرىمعا بۋي سىزىقتارى تارتىلعان. قاۋٸپسٸزدٸكتٸ قامتاماسىز ەتۋ ماقساتىندا جەرگٸلٸكتٸ پولييانىڭ جەدەل باسقارۋ جٷيەسٸنە قوسىلعان 39 بەينەباقىلاۋ كامەراسى جۇمىس ٸستەيدٸ.
ەسكە سالساق, ٶتكەن جىلى الاكٶلدەگٸ شاعىن جٷزۋ قۇرالدارىنىڭ قوزعالىسىن رەتتەۋ ماقساتىندا جەتٸسۋ وبلىسىندا ورتاق سۋ پايدالانۋ جەنە سۋ ايدىندارىنداعى قاۋٸپسٸزدٸك قاعيدالارى بەكٸتٸلدٸ. اتالعان قاعيدالاردا سۋ ايدىندارىنداعى قاۋٸپسٸزدٸك تالاپتارى جان-جاقتى تٷسٸندٸرٸلدٸ, ولاردى ساقتاماعانى ٷشٸن جاۋاپكەرشٸلٸك بەلگٸلەندٸ.
جٷرگٸزٸلٸپ جاتقان پروفيلاكتيكالىق جەنە باقىلاۋ-قاداعالاۋ جۇمىستارى ازاماتتاردىڭ سۋ ايدىندارىنداعى قاۋٸپسٸزدٸك دەڭگەيٸن ارتتىرۋعا, قۇقىق بۇزۋشىلىقتاردىڭ الدىن الۋعا, سونداي-اق شومىلۋ ماۋسىمى كەزەڭٸندە تٶتەنشە جاعدايلاردىڭ تۋىنداۋ قاۋپٸن تٶمەندەتۋگە باعىتتالعان.
