Jetisýdaǵy Alakól jaǵalaýynda jazǵy maýsym bastalǵany beri shaǵyn kólemdi kemelerdi paidalaný erejesi talaptaryn buzǵan azamattarǵa qatysty 109 ákimshilik jaza qoldanyldy. Bul qabyldanǵan sharalar demalýshylardyń qaýipsizdigin qamtamasyz etýge baǵyttalǵan, dep habarlaidy dalanews.kz.
- Biylǵy jyldyń 15 mamyrynan beri TJD qyzmetkerleri basqa da jaýapty organdarmen birlesip 90 kúndizgi jáne 62 túngi reid uiymdastyryldy. Sý kólikterin tekserý ókilettigi berilgen sátten bastap shaǵyn kemelerdi paidalaný talaptaryn buzý faktisi qatysty 109 hattama toltyrylyp, 1 mln 654 myń teńgeden astam aiyppul salyndy. Atap aitqanda, kemeniń bort nómirleriniń bolmaýy, belgilengen shamadan tys artyq jolaýshy alyp júrý, óziniń qujaty joq nemese keme bileti joq bolǵan jaǵdailar, navigatsiialyq belgiler talaptaryn saqtamaý, qutqarý jiletiniń bolmaýy siiaqty zańbuzýshylyqtarǵa shara qoldanyldy. Shaǵyn kólemdi kemelerdi paidalaný qaǵidalary men qaýipsizdik talaptaryn buzǵan tulǵalarǵa zańnamaǵa sáikes qatań ákimshilik yqpal etý sharalary qoldanylady, - dedi Jetisý oblysynyń Tótenshe jaǵdailar departamentiniń bastyǵy Qanat Altynbekov.
Sonymen qatar politsiia qyzmetkerleri tarapynan jaǵalaýda júrgizilgen quqyqtyq tártiptiń saqtalýyn qamtamasyz etý maqsatyndaǵy reidtik sharalary barysynda 1755 ákimshilik quqyq buzýshylyq anyqtalyp, ákimshilik hattamalar toltyryldy, 3,5 myń teńgege jýyq ákimshilik aiyppul salyndy. Sonyń ishinde usaq buzaqylyq, tynyshtyqty buzý, alkogoldik ishimdikterdi ishý nemese qoǵamdyq oryndarǵa masań kúide kelý, abattandyrý qaǵidalaryn buzý, jolda júrý erejelerin buzý faktileri bar.
Bul rette Alakól kólinde demalýshylardyń qaýipsizdigin qamtamasyz etý maqsatynda jaǵalaý aýmaǵynda táýlik boiy kezekshilik uiymdastyrylǵan. Bul jumystarǵa 14 qutqarýshy, 11 motorly qaiyq jumyldyrylǵan. Oǵan qosa qosymsha oblystyq TJD mamandary aldyn alý sharalaryna turaqty túrde tartylýda. Sonymen qatar biylǵy shomylý maýsymynda qoǵamdyq tártipti qamtamasyz etý úshin 50 politsiia qyzmetkeri, 16 qyzmettik avtokólik jáne 5 ushqyshsyz dron tartylǵan. Sondai-aq, sý kólikterine arnalǵan aiyp turaǵy bar.
Sonymen qatar jaǵalaý boiynda 40 qutqarý munarasy ornatylyp, 13 shaqyrymǵa býi syzyqtary tartylǵan. Qaýipsizdikti qamtamasyz etý maqsatynda jergilikti poliianyń Jedel basqarý júiesine qosylǵan 39 beinebaqylaý kamerasy jumys isteidi.
Eske salsaq, ótken jyly Alakóldegi shaǵyn júzý quraldarynyń qozǵalysyn retteý maqsatynda Jetisý oblysynda ortaq sý paidalaný jáne sý aidyndaryndaǵy qaýipsizdik qaǵidalary bekitildi. Atalǵan qaǵidalarda sý aidyndaryndaǵy qaýipsizdik talaptary jan-jaqty túsindirildi, olardy saqtamaǵany úshin jaýapkershilik belgilendi.
Júrgizilip jatqan profilaktikalyq jáne baqylaý-qadaǵalaý jumystary azamattardyń sý aidyndaryndaǵy qaýipsizdik deńgeiin arttyrýǵa, quqyq buzýshylyqtardyń aldyn alýǵa, sondai-aq shomylý maýsymy kezeńinde tótenshe jaǵdailardyń týyndaý qaýpin tómendetýge baǵyttalǵan.
