قازاقستاندا زاڭسىز ويىن بيزنەسٸن ۇيىمداستىردى دەگەن كٷدٸككە ٸلٸنگەن شەتەل ازاماتى ۆەتنامنان ەكستراديتسييالاندى, دەپ حابارلايدى dalanews.kz.
باس پروكۋراتۋرانىڭ مەلٸمەتٸنشە, كٷدٸكتٸ 2022-2023 جىلدارى سىبايلاسىمەن بٸرگە الماتى قالاسىندا زاڭسىز ويىن بيزنەسٸن ۇيىمداستىرىپ, 12 ملن تەڭگەدەن استام قىلمىستىق تابىس تاپقان.
قىلمىستان كەيٸن كٷدٸكتٸلەردٸڭ بٸرٸ جاۋاپقا تارتىلسا, ەكٸنشٸسٸ قۇقىق قورعاۋ ورگاندارىنان جاسىرىنىپ, حالىقارالىق ٸزدەۋگە جارييالانعان.
ول بيىل اقپان ايىندا ۆەتنامدا ۇستالىپ, باس پروكۋراتۋرانىڭ سۇراۋى بويىنشا قازاقستانعا ەكستراديتسييالاندى.
قازٸر كٷدٸكتٸ تەرگەۋ يزولياتورىنا قامالدى.
اتالعان قىلمىس بويىنشا وعان مٷلكٸ تەركٸلەنٸپ, بەس جىلعا دەيٸن باس بوستاندىعىنان ايىرۋ جازاسى تاعايىندالۋى مٷمكٸن.
