Qazaqstanda zańsyz oiyn biznesin uiymdastyrdy degen kúdikke ilingen shetel azamaty Vetnamnan ekstraditsiialandy, dep habarlaidy dalanews.kz.
Bas prokýratýranyń málimetinshe, kúdikti 2022-2023 jyldary sybailasymen birge Almaty qalasynda zańsyz oiyn biznesin uiymdastyryp, 12 mln teńgeden astam qylmystyq tabys tapqan.
Qylmystan keiin kúdiktilerdiń biri jaýapqa tartylsa, ekinshisi quqyq qorǵaý organdarynan jasyrynyp, halyqaralyq izdeýge jariialanǵan.
Ol biyl aqpan aiynda Vetnamda ustalyp, Bas prokýratýranyń suraýy boiynsha Qazaqstanǵa ekstraditsiialandy.
Qazir kúdikti tergeý izoliatoryna qamaldy.
Atalǵan qylmys boiynsha oǵan múlki tárkilenip, bes jylǵa deiin bas bostandyǵynan aiyrý jazasy taǵaiyndalýy múmkin.
