Memleket basshysynyń tapsyrmasyna sáikes biyl Abai oblysynda «Qazaqstan temir joly» ulttyq kompaniiasy esebinen óńirdegi 10 temirjol vokzalyn jańǵyrtý josparlanyp otyr,- dep habarlaidy Dalanews.kz
Oblystyq Jolaýshylar kóligi jáne avtomobil joldary basqarmasynyń málimetinshe, Semei, Aiagóz qalalary men Aqtoǵai, Jalańashkól, Shar, Degeleń, Úshbiik, Jarma, Belaǵash jáne Aýyl stantsiialaryndaǵy temirjol vokzaldary tolyq jańǵyrtýdan ótedi.
«Semeidegi temirjol vokzalynyń ǵimaraty tolyq jańartylyp, injenerlik infraqurylymdary aýystyrylyp, irgeles aýmaǵy abattandyrylmaq. Jalańashkól stantsiiasynyń vokzalyn jóndeý Alakóldiń týristik áleýetin arttyrýǵa septigin tigizedi. Atap óterligi, jańǵyrtý jumysy barysynda vokzaldardyń tarihi kelbeti ózgermeidi. Ár óńirdiń arhitektýralyq ereksheligi saqtalady. Qazirgi ýaqytta merdigerler anyqtaldy. Daiyndyq jumystary júrgizilýde», - dedi oblystyq Jolaýshylar kóligi jáne avtomobil joldary basqarmasynyń basshysy Ashat Eseev.
Eske salaiyq, Kólik ministrliginiń habarlaýynsha, elimizdegi 120 vokzaldy rekonstrýktsiialaý kózdelgen.
