مەملەكەت باسشىسىنىڭ تاپسىرماسىنا سايكەس بيىل اباي وبلىسىندا «قازاقستان تەمىر جولى» ۇلتتىق كومپانياسى ەسەبىنەن وڭىردەگى 10 تەمىرجول ۆوكزالىن جاڭعىرتۋ جوسپارلانىپ وتىر،- دەپ حابارلايدى Dalanews.kz
وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ مالىمەتىنشە، سەمەي، اياگوز قالالارى مەن اقتوعاي، جالاڭاشكول، شار، دەگەلەڭ، ۇشبيىك، جارما، بەلاعاش جانە اۋىل ستانسيالارىنداعى تەمىرجول ۆوكزالدارى تولىق جاڭعىرتۋدان وتەدى.
«سەمەيدەگى تەمىرجول ۆوكزالىنىڭ عيماراتى تولىق جاڭارتىلىپ، ينجەنەرلىك ينفراقۇرىلىمدارى اۋىستىرىلىپ، ىرگەلەس اۋماعى اباتتاندىرىلماق. جالاڭاشكول ستانسياسىنىڭ ۆوكزالىن جوندەۋ الاكولدىڭ تۋريستىك الەۋەتىن ارتتىرۋعا سەپتىگىن تيگىزەدى. اتاپ وتەرلىگى، جاڭعىرتۋ جۇمىسى بارىسىندا ۆوكزالداردىڭ تاريحي كەلبەتى وزگەرمەيدى. ءار ءوڭىردىڭ ارحيتەكتۋرالىق ەرەكشەلىگى ساقتالادى. قازىرگى ۋاقىتتا مەردىگەرلەر انىقتالدى. دايىندىق جۇمىستارى جۇرگىزىلۋدە»، - دەدى وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى اسحات ەسەيەۆ.
ەسكە سالايىق، كولىك مينيسترلىگىنىڭ حابارلاۋىنشا، ەلىمىزدەگى 120 ۆوكزالدى رەكونسترۋكسيالاۋ كوزدەلگەن.
