ورال قالاسىندا العاش رەت «جاساندى ينتەللەكت نەگٸزٸندەگٸ زيياتكەرلٸك تەلەمەديتسينا» اتتى قازاقستان–كورەيا حالىقارالىق سيمپوزيۋمى ٶتتٸ. اۋقىمدى شاراعا باتىس قازاقستان وبلىسىنىڭ ەكٸمٸ ناريمان تٶرەعاليەۆ, كورەيا رەسپۋبليكاسىنىڭ كاتوليكتٸك كۆاندونگ ۋنيۆەرسيتەتٸ جانىنداعى «ەۋليە مارييا» حالىقارالىق كلينيكاسىنىڭ پرەزيدەنتٸ كو دونگ حيون باستاعان دەلەگاتسييا جەنە ٶڭٸر دەرٸگەرلەرٸ قاتىستى, دەپ حابارلايدى dalanews.kz.
حالىقارالىق سيمپوزيۋم اياسىندا وبلىستىق كٶپبەيٸندٸ اۋرۋحانادا جاڭا تەلەمەديتسينا بٶلمەسٸ سالتاناتتى تٷردە اشىلدى. بۇل جوبا — ايماق باسشىسىنىڭ 2025 جىلعى قاراشا ايىندا وڭتٷستٸك كورەياعا جاساعان جۇمىس ساپارى كەزٸندە بەكٸتٸلگەن ماڭىزدى مەموراندۋمداردىڭ ناقتى نەتيجەسٸ. ەكٸجاقتى كەلٸسٸم اياسىندا بيىل نەۆرولوگييا جەنە نەيروحيرۋرگييا سالاسىنداعى ورالدىق 10 مامان «ەۋليە مارييا» كلينيكاسىندا تاعلىمدامادان ٶتتٸ.
وبلىس ەكٸمٸ ناريمان تٶرەعاليەۆ قاشىقتان مەديتسينالىق قىزمەتتٸ دامىتۋ جٶنٸندەگٸ پرەزيدەنت تاپسىرمالارىنىڭ ٶڭٸردە جٷيەلٸ ورىندالىپ جاتقانىن اتاپ ٶتتٸ.
– مەملەكەت باسشىسى قاسىم-جومارت كەمەلۇلى توقاەۆتىڭ جارلىعىمەن بەكٸتٸلگەن ۇلتتىق دامۋ جوسپارىندا ايقىندالعان باعدارلى كٶرسەتكٸشتٸڭ بٸرٸ – 2029 جىلعا دەيٸن ورتاشا ٶمٸر سٷرۋ ۇزاقتىعىن 77 جاسقا دەيٸن جەتكٸزۋ. وسى ماقسات-مٸندەتتەردٸ ورىنداۋ جولىندا جٷيەلٸ جوسپار بار. بٷگٸنگٸ حالىقارالىق سيمپوزيۋم مەن دەنساۋلىق ساقتاۋ جٷيەسٸن جەتٸلدٸرۋگە باعىتتالعان كەلٸسٸمدەردٸڭ ٸسكە اسۋى جەرگٸلٸكتٸ مامانداردىڭ بٸلٸكتٸلٸگٸن ارتتىرىپ, جاڭا جەتٸستٸكتەرگە جول اشادى. وڭتٷستٸك كورەيالىق ەرٸپتەستەرمەن ورناتىلعان تيٸمدٸ بايلانىس بارلىق تاراپ ٷشٸن نەتيجەلٸ بولماق, – دەدٸ ايماق باسشىسى.
ٶز كەزەگٸندە كلينيكا پرەزيدەنتٸ كو دونگ حيون دا بٸرلەسكەن جوبالاردى جان-جاقتى دامىتۋعا دايىن ەكەنٸن جەتكٸزدٸ. حالىقارالىق ٸس-شارادا شەتەلدٸك ماماندار جاساندى ينتەللەكت كٶمەگٸمەن اۋرۋدى ەرتە انىقتاۋ, تەلەمەديتسيناداعى زيياتكەرلٸك شەشٸمدەر جەنە تسيفرلىق دەرەكتەر قاۋٸپسٸزدٸگٸ بويىنشا وزىق تەجٸريبەلەرٸمەن بٶلٸستٸ.
