Abai jáne Shyǵys Qazaqstan oblysy máslihattarynyń depýtattary dúisenbide sessiiaǵa jańa ákimderdi taǵaiyndaýǵa kelisim berý úshin shaqyryldy, dep habarlaidy Dalanews.kz Ulysmedia.kz saityna silteme jasap.
Shyǵys Qazaqstannyń ákimin taǵaiyndaý boiynsha jiyn 17 aqpanda tańǵy saǵat 10.00-de ótkizilse, Abai oblysynyń tizginin ustaityn jańa ákimniń esimi 11.00-de belgili bolmaq.
Aita ketsek, 14 aqpanda memleket basshysynyń Jarlyǵymen eki óńirdiń basshylary qyzmetinen bosatylǵan. Shyǵys Qazaqstan oblysyn 1 jyl 8 ai basqarǵan Ermek Kósherbaev Tamara Dúisenovanyń ornyn basyp, vitse-premer bolyp taǵaiyndaldy.
Al 2022 jyldyń maýsymynan beri Abai oblysyna basshylyq etip, ókilettigi toqtatylǵan Nurlan Uranhaevtyń bolashaqta qandai qyzmetke baratyny, ázirge belgisiz.
