Kóktemgi sý tasqynyna qarsy is-sharalar Besqaraǵai aýdanynda erekshe baqylaýǵa alyndy,- dep habarlaidy Dalanews.kz
Aýdan ákimi Nurbek Qoshqarbaevtyń tapsyrmasymen eldi mekenderde qardyń erýi men jaýyn-shashyn saldarynan týyndaýy múmkin tótenshe jaǵdailardyń aldyn alý jumysy qarqyndy júrgizilip jatyr.
Qazirgi ýaqytta sý basý qaýpi bar ózen jaǵalaýlary men arnalar anyqtalyp, arnaiy sharalar qolǵa alynýda. Aýyldyq okrýgterde kóshelerdi qardan tazartý, qashyrtqylardy mehanikalyq ádispen arshý jumysy jalǵasyp jatyr. Besqaraǵai aýylyndaǵy qar shyǵarý barysyn aýdan basshysy jeke baqylap, jaýapty tulǵalarǵa naqty tapsyrmalar júktedi.
Sonymen qatar, aýdan aýmaǵyndaǵy sý ótkizý arnalary muqiiat tazartylyp, olardyń jaǵdaiy turaqty baqylaýǵa alynǵan. Aýyldardaǵy qoǵamdyq keńistikterdi tazartý men abattandyrý jumysy da kúsheitilip, kóktemgi sý tasqynyna qarsy sharalar kesheni tolyq kólemde atqarylýda.
Jergilikti bilik turǵyndardy saqtyq sharalaryn qatań ustanýǵa shaqyryp, kez kelgen tótenshe jaǵdai týyndaǵan jaǵdaida tiisti mekemelerge jedel habarlasýdy eskertedi.
