كٶكتەمگٸ سۋ تاسقىنىنا قارسى ٸس-شارالار بەسقاراعاي اۋدانىندا ەرەكشە باقىلاۋعا الىندى,- دەپ حابارلايدى Dalanews.kz
اۋدان ەكٸمٸ نۇربەك قوشقارباەۆتىڭ تاپسىرماسىمەن ەلدٸ مەكەندەردە قاردىڭ ەرۋٸ مەن جاۋىن-شاشىن سالدارىنان تۋىنداۋى مٷمكٸن تٶتەنشە جاعدايلاردىڭ الدىن الۋ جۇمىسى قارقىندى جٷرگٸزٸلٸپ جاتىر.
قازٸرگٸ ۋاقىتتا سۋ باسۋ قاۋپٸ بار ٶزەن جاعالاۋلارى مەن ارنالار انىقتالىپ, ارنايى شارالار قولعا الىنۋدا. اۋىلدىق وكرۋگتەردە كٶشەلەردٸ قاردان تازارتۋ, قاشىرتقىلاردى مەحانيكالىق ەدٸسپەن ارشۋ جۇمىسى جالعاسىپ جاتىر. بەسقاراعاي اۋىلىنداعى قار شىعارۋ بارىسىن اۋدان باسشىسى جەكە باقىلاپ, جاۋاپتى تۇلعالارعا ناقتى تاپسىرمالار جٷكتەدٸ.
سونىمەن قاتار, اۋدان اۋماعىنداعى سۋ ٶتكٸزۋ ارنالارى مۇقييات تازارتىلىپ, ولاردىڭ جاعدايى تۇراقتى باقىلاۋعا الىنعان. اۋىلدارداعى قوعامدىق كەڭٸستٸكتەردٸ تازارتۋ مەن اباتتاندىرۋ جۇمىسى دا كٷشەيتٸلٸپ, كٶكتەمگٸ سۋ تاسقىنىنا قارسى شارالار كەشەنٸ تولىق كٶلەمدە اتقارىلۋدا.
جەرگٸلٸكتٸ بيلٸك تۇرعىنداردى ساقتىق شارالارىن قاتاڭ ۇستانۋعا شاقىرىپ, كەز كەلگەن تٶتەنشە جاعداي تۋىنداعان جاعدايدا تيٸستٸ مەكەمەلەرگە جەدەل حابارلاسۋدى ەسكەرتەدٸ.
