Qala ákimi Altai Kólginov birinshi kezekte qoljetimdi baspana páter alýǵa kezekte turǵan azamattarǵa beriletinin aitty.
– Memleket basshysynyń tapsyrmasyna sáikes biyl qoljetimdi turǵyn úi qurylysy kólemi 3 esege artady. Qoljetimdi turǵyn úi birinshi kezekte erekshe qajettilikteri bar balalardy tárbielep otyrǵan otbasylarǵa, múgedek azamattarǵa, tolyq emes, kópbalaly otbasylarǵa, jetim balalarǵa jáne halyqtyń basqa da áleýmettik toptaryna beriledi. Onyń ishinde meditsinalyq uiymdardyń qyzmetkerleri, muǵalimder men áleýmettik qyzmetkerler bar.
Osy oraida turǵyn úi qurylys jinaq banki mańyzdy fýnktsiiany atqarady. Máselen, ótken jyly turǵyn úi qurylys jinaq bankiniń 10,5 myńnan astam salymshysy óz páterlerine ie boldy, – dedi qala ákimi Altai Kólginov.
«Turǵyn úi qurylys jinaq banki» AQ Basqarma tóraiymy Lázzat Ibragimova atap ótkendei, bank júiesine sáikes klientter 3,5% - dan 5% - ǵa deiingi mólsheri boiynsha turǵyn úi satyp alýǵa nesie alýǵa múmkindikteri bar. Nur-Sultanda banktiń 215 myń salymshysy bar.
