ەلوردا اكىمى التاي كولگىنوۆ پەن تۇرعىن ءۇي قۇرىلىس جيناق بانكىنىڭ باسقارما ءتورايىمى ءلاززات يبراگيموۆا قولجەتىمدى تۇرعىن ۇيگە كەزەكتە تۇرعان ازاماتتاردىڭ ماسەلەلەرىن تالقىلادى.

قالا اكىمى التاي كولگىنوۆ ءبىرىنشى كەزەكتە قولجەتىمدى باسپانا پاتەر الۋعا كەزەكتە تۇرعان ازاماتتارعا بەرىلەتىنىن ايتتى.

– مەملەكەت باسشىسىنىڭ تاپسىرماسىنا سايكەس بيىل قولجەتىمدى تۇرعىن ءۇي قۇرىلىسى كولەمى 3 ەسەگە ارتادى. قولجەتىمدى تۇرعىن ءۇي ءبىرىنشى كەزەكتە ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلارعا، مۇگەدەك ازاماتتارعا، تولىق ەمەس، كوپبالالى وتباسىلارعا، جەتىم بالالارعا جانە حالىقتىڭ باسقا دا الەۋمەتتىك توپتارىنا بەرىلەدى. ونىڭ ىشىندە مەديسينالىق ۇيىمداردىڭ قىزمەتكەرلەرى، مۇعالىمدەر مەن الەۋمەتتىك قىزمەتكەرلەر بار.

وسى ورايدا تۇرعىن ءۇي قۇرىلىس جيناق بانكى ماڭىزدى فۋنكسيانى اتقارادى. ماسەلەن، وتكەن جىلى تۇرعىن ءۇي قۇرىلىس جيناق بانكىنىڭ 10،5 مىڭنان استام سالىمشىسى ءوز پاتەرلەرىنە يە بولدى، – دەدى قالا اكىمى التاي كولگىنوۆ.

«تۇرعىن ءۇي قۇرىلىس جيناق بانكى» اق باسقارما ءتورايىمى ءلاززات يبراگيموۆا اتاپ وتكەندەي، بانك جۇيەسىنە سايكەس كليەنتتەر 3،5% - دان 5% - عا دەيىنگى مولشەرى بويىنشا تۇرعىن ءۇي ساتىپ الۋعا نەسيە الۋعا مۇمكىندىكتەرى بار. نۇر-سۇلتاندا بانكتىڭ 215 مىڭ سالىمشىسى بار.