Astana-Shýchinsk tasjolynda 95 kólik pen 20 adam zardap shekken iri jol apatyna qatysty Ishki ister ministrligi 6 qylmystyq jáne 37 ákimshilik is qozǵalǵanyn, sondai-aq negizgi tergeý qandai bap boiynsha júrgizilip jatqanyn málimdedi, dep habarlaidy Dalanews.kz Tengrinews.kz-ke siltep.
Ishki ister ministrligi jol-kólik oqiǵasy boiynsha Qylmystyq kodekstiń 353-babynyń 1-bóligi "Qoldanystaǵy kólik qozǵalysy erejelerin buzý" boiynsha sotqa deiingi tergeý bastalǵanyn habarlady.
"Qylmystyq kodekstiń 345-baby 1-bóligi boiynsha "Jol qozǵalysy erejelerin jol qozǵalysyna qatysýshylardyń buzýy saldarynan abaisyzda ortasha aýyrlyqtaǵy dene jaraqatyn keltirý" boiynsha 6 is qozǵaldy. Ákimshilik zańnama aiasynda Ákimshilik quqyqbuzýshylyq týraly kodekstiń 610-baby boiynsha "Kólik quraldary júrgizýshileriniń jol qozǵalysy erejelerin buzýy, bul adamdardyń densaýlyǵyna ziian keltirýge, kólik quraldaryna nemese basqa múlikke zaqym keltirýge ákep soqqan jaǵdailar" boiynsha 37 ákimshilik is qozǵaldy", - dep habarlady IIM.
Vedomstvonyń málimetinshe, qazirgi ýaqytta joǵaryda atalǵan qylmystyq ister boiynsha qajetti tergeý áreketteri júrgizilip jatyr. Onyń qorytyndysy boiynsha túpkilikti protsessýaldyq sheshimder qabyldanady.
Quqyqbuzýshylyqqa jol bergen tulǵalardy jáne olardyń turǵylyqty jeri jaily suraqqa departament jaýap bergen joq. Ishki ister ministrligi de Qylmystyq-protsessýaldyq kodekstiń 201-babyn negizge alyp, oqiǵaǵa kináli kúdiktilerdiń ustalǵan-ustalmaǵany týraly túsinik berýden bas tartty.
Eske salaiyq, jappai jol apaty 3 qańtarda bolǵan edi.
Saǵat 07:20-da aýa raiynyń nasharlaýyna bailanysty respýblikalyq mańyzy bar "Astana-Petropavl" avtojolynyń (18-232 shaqyrym) ýchaskesinde barlyq avtokólik túrleriniń qozǵalysyna shekteý engizildi. Aýa raiy jaqsarǵannan keiin jáne jol tazartylǵan soń, saǵat 12:30-da Shýchinsk qalasy baǵytyna qozǵalys politsiia departamenti qyzmetkerleri men "QazAvtoJol" arnaiy tehnikamen uiymdastyryldy.
Júrgizýshilerdiń jyldamdyq rejimi men qaýipsiz qashyqtyqty saqtamaýynan saǵat 13:28-de joldyń 153-shaqyrymynda, Janatalap aýyly mańynda shamamen 95 kólik jappai jol apatyna túsken.
Oqiǵa ornynda politsiia qyzmetkerleri men "QazAvtoJol" mamandary jumys istedi. Bir jolaq tazartylyp, jaramdy kólikter qozǵalysyn jalǵastyrǵan edi. Oqiǵa ornynda 22 birikken jol mashinasy jáne 2 traktor jumyldyrylǵan bolatyn.
