Memlekettik kirister komiteti áleýmettik jelilerde tanymal 850-ge jýyq blogerden 500 mln teńgege jýyq salyq óndirdi. Kameralyq baqylaýdyń nátijesinde atalǵan azamattar tapqan tabysy úshin salyqtan jaltarǵany anyqtalyp, tiisti shara qoldanylǵan, dep habarlaidy Dalanews.kz.
Bul jaiynda QR Qarjy ministrligi Memlekettik kirister komitetiniń departament direktorynyń mindetin atqarýshy Erqanat Shyńbergen "24KZ" arnasyndaǵy "TÚIIN" baǵdarlamasyna bergen suhbatynda aityp berdi.
"Mysaly, 2022-2023 jyldar úshin byltyr kameralyq baqylaý júrgizildi. Jalpy 80 myńǵa jýyq azamattar kameralyq baqylaýǵa tústi, onyń ishinde árine blogerlerboldy. Olardyń sany 850-ge jýyq. Osy 850-ge jýyq azamattan 500 mln teńgege jýyq salyq óndirildi", - dedi Erqanat Shyńbergen.
Eger kameralyq baqylaý týraly habarlama oryndalmaityn bolsa, salyqtyq tekserýge bastalyd.
"Tekserý nátijesinde biz bul salyqty tipti jeke shotyna engizip, tóletýge múmkindigimiz bar. Osyndai májbúrleý sharalary bar. Odan basqa, ÁQBK-ke sai sharalar bar. Birinshi buzýshylyq úshin eskertý beriledi", - dep túsindirdi spiker.
Blogerlerdiń barter jasasý, syilyq alýy tabysqa jata ma?
"Tabys tek aqshalai qarajat retinde sanalmaidy. Belgili bir múlik bolsyn, syilyq bolsyn árdaiym tabysqa jatady. Odan tiisinshe salyq tólenýi qajet. Kóbine jarnama faktlerine nazar aýdaramyz. Sebebi, bizde blogerler kóbine jarnama arqyly tabys tabady. Jalpy jelilerde tabys tabý maqsatynda jariialanym bolsa bulardy, mindetti túrde kásipkerlik qyzmet dep esepteimiz", - dep jaýap berdi Erqanat Shyńbergen.
Túrli memlekettik organdardan, bankterden alynǵan aqparattartaldanyp, deklaratsiialarmen salystyrylady. Eger derekter deklaratsiiada kórsetilgen aqparatpen sáikes kelmese, iaǵni, salyq tólemeý nemese kiristerdi azaityp kórsetý sekildi máseleler baiqalsa kameralyq baqylaý nátijesi boiynsha azamatqa habarlama joldanady.
Habarlamany oryndaýdyń eki tásili bar. Birinshisi, deklaratsiiada somalardy kórsetip, tiisinshe salyq tóleý. Ekinshi tásili, eger salyq tóleýshi kórsetilgen buzýshylyqtarmen kelispese, túsindirme arqyly dáleldeý múmkindigi bar. Ol úshin 30 kún beriledi.
