مەملەكەتتىك كىرىستەر كوميتەتى الەۋمەتتىك جەلىلەردە تانىمال 850-گە جۋىق بلوگەردەن 500 ملن تەڭگەگە جۋىق سالىق ءوندىرءدى. كامەرالىق باقىلاۋدىڭ ناتيجەسىندە اتالعان ازاماتتار تاپقان تابىسى ءۇشىن سالىقتان جالتارعانى انىقتالىپ، ءتيىستى شارا قولدانىلعان، دەپ حابارلايدى Dalanews.kz.
بۇل جايىندا ق ر قارجى مينيسترلىگى مەملەكەتتىك كىرىستەر كوميتەتىءنىڭ دەپارتامەنت ديرەكتورىنىڭ مىندەتىن اتقارۋشى ەرقانات شىڭبەرگەن "24KZ" ارناسىنداعى "ءتۇيىن" باعدارلاماسىنا بەرگەن سۇحباتىندا ايتىپ بەردى.
"مىسالى، 2022-2023 جىلدار ءۇشىن بىلتىر كامەرالىق باقىلاۋ جۇرگىزىلدى. جالپى 80 مىڭعا جۋىق ازاماتتار كامەرالىق باقىلاۋعا ءتۇستى، ونىڭ ىشىندە ارينە بلوگەرلەربولدى. ولاردىڭ سانى 850-گە جۋىق. وسى 850-گە جۋىق ازاماتتان 500 ملن تەڭگەگە جۋىق سالىق ءوندىرىلدى"، - دەدى ەرقانات شىڭبەرگەن.
ەگەر كامەرالىق باقىلاۋ تۋرالى حابارلاما ورىندالمايتىن بولسا، سالىقتىق تەكسەرۋگە باستالىد.
"تەكسەرۋ ناتيجەسىندە ءبىز بۇل سالىقتى ءتىپتى جەكە شوتىنا ەنگىزىپ، تولەتۋگە مۇمكىندىگىمىز بار. وسىنداي ماجبۇرلەۋ شارالارى بار. ودان باسقا، اقبك-كە ساي شارالار بار. ءبىرىنشى بۇزۋشىلىق ءۇشىن ەسكەرتۋ بەرىلەدى"، - دەپ ءتۇسىندىردى سپيكەر.
بلوگەرلەردىڭ بارتەر جاساسۋ، سىيلىق الۋى تابىسقا جاتا ما؟
"تابىس تەك اقشالاي قاراجات رەتىندە سانالمايدى. بەلگىلى ءبىر مۇلىك بولسىن، سىيلىق بولسىن ءاردايىم تابىسقا جاتادى. ودان تيىسىنشە سالىق تولەنۋى قاجەت. كوبىنە جارناما فاكتلەرىنە نازار اۋدارامىز. سەبەبى، بىزدە بلوگەرلەر كوبىنە جارناما ارقىلى تابىس تابادى. جالپى جەلىلەردە تابىس تابۋ ماقساتىندا جاريالانىم بولسا بۇلاردى، مىندەتتى تۇردە كاسىپكەرلىك قىزمەت دەپ ەسەپتەيمىز"، - دەپ جاۋاپ بەردى ەرقانات شىڭبەرگەن.
ءتۇرلى مەملەكەتتىك ورگانداردان، بانكتەردەن الىنعان اقپاراتتارتالدانىپ، دەكلاراسيالارمەن سالىستىرىلادى. ەگەر دەرەكتەر دەكلاراسيادا كورسەتىلگەن اقپاراتپەن سايكەس كەلمەسە، ياعني، سالىق تولەمەۋ نەمەسە كىرىستەردى ازايتىپ كورسەتۋ سەكىلدى ماسەلەلەر بايقالسا كامەرالىق باقىلاۋ ناتيجەسى بويىنشا ازاماتقا حابارلاما جولدانادى.
حابارلامانى ورىنداۋدىڭ ەكى ءتاسىلى بار. ءبىرىنشىسى، دەكلاراسيادا سومالاردى كورسەتىپ، تيىسىنشە سالىق تولەۋ. ەكىنشى ءتاسىلى، ەگەر سالىق تولەۋشى كورسەتىلگەن بۇزۋشىلىقتارمەن كەلىسپەسە، تۇسىندىرمە ارقىلى دالەلدەۋ مۇمكىندىگى بار. ول ءۇشىن 30 كۇن بەرىلەدى.
