Sybaılas jemqorlyqqa qarsy qyzmet buǵan deıin Memlekettik materıaldyq rezervteri komıteti (MMRK) fılıaldarynyń laýazymdy tulǵalaryna jáne azyq-túlik jetkizýshilerge qatysty senip tapsyrylǵan múlikti, ásirese, 6,5 mlrd.teńge kóleminde jymqyrý faktileri boıynsha sotqa deıingi tergeýdi aıaqtady ( 22 adam).
1 aqpanda Almaty qalasy Almaly aýdandyq sotynyń úkimimen 21 adam bas bostandyǵynan aıyrý jáne bir adam bostandyǵyn shekteý túrindegi jazaǵa kesildi.
MMRK-niń eks-tóraǵasy Imanalıev Prezıdentke memlekettik nagradalary - "Qurmet" ordeninen, "Qazaqstan Konstıtýsıasyna 10 jyl", "Astanaǵa 10 jyl", "Qazaqstan Respýblıkasy Táýelsizdigine 20 jyl", "Qazaqstan Konstıtýsıasyna 20 jyl" melarynan aıyrý týraly usynyspen qatar, 8 jylǵa bas bostandyǵynan aıyrý (úıqamaq túrindegi shara úkim zańdy kúshine engenge deıin saqtaldy, úkim zańdy kúshine engennen keıin ol qamaýǵa alynady);
MMRK-niń Memlekettik satyp alý basqarmasynyń bastyǵy Makashev 8 jylǵa bas bostandyǵynan aıyryldy;
"Rezerv" - "Vysota" RMK fılıalynyń dırektory Jaqanov pen bólim bastyǵy Rodın, sonymen qatar "Rezerv" - "Sıgnal" RMK fılıalynyń dırektory Galıev 8 jylǵa sottaldy;
Bul sheneýnikter memlekettik qyzmette ómir boıy laýazymdy qyzmet atqarý quqyǵynan aıyrylady, dep habarlady Sybaılas jemqorlyqqa qarsy qyzmet.
"Rezerv" - "Vysota" RMK fılıaly dırektorynyń orynbasary Qusaıynovqa 2 jylǵa bas bostandyǵyn shekteý jazasy taǵaıyndaldy;
Azyq-túlik jetkizýshiler - Adamov, Drozdeskaıa, Tartýmanov, Rashıtov, Sabazov A., Sabazov O., Abdýkarımov, Bakaev, Gabdýllın, Sadaı, Isaev, Qojanov B., Qojanov D., Qanathan, Mustafınov, Ospanov 8 jylǵa bas bostandyǵynan aıyryldy.
