Almaty qalasy Almaly aýdandyq sotynda qarjy piramidasyn qurǵan úsh azamatqa qatysty qylmystyq is qaraldy, dep habarlaidy Dalanews.kz. KAZINFORM saityna silteme jasap.
Qalalyq sot málimetine sáikes, sottalýshylar sheteldik azamattarmen sóz bailasyp (olarǵa qatysty qylmystyq is bólek óndiriske bólingen) bolashaq investorlarǵa aqsha operatsiialaryn baqylai alatyndai internet-platformasyn qurǵan. Klientter áleýmettik jelilerde jarnamalaý, kitapshalardy taratý, onlain treningter ótkizý, investitsiialyq kompaniia retinde jobasyn pozitsiialaý jáne árbir investorǵa salynǵan somanyń 5-ten 15%-ke deiin ai saiyn alatynyna ýáde berý arqyly tartylǵan.
— Alaiaqtyq barysynda 13 adamǵa jalpy somasy 59 894 237 teńge materialdyq shyǵyn keltirilgen. Sottalýshylar kinálaryn moiyndamady. Sot úkimimen A., K., S. qarjy piramidasyn qurý jáne basqarý boiynsha kináli dep tanylyp, jábirlenýshilerdiń azamattyq talaptaryn qanaǵattandyra otyryp, 5 jyl bas bostandyǵynan aiyrý jazasy taǵaiyndaldy, - dep habarlaidy Almaty qalasynyń sotynan.
