Aqtóbe oblysynda Qarjylyq monitoring agenttigi "World Business Consulting" qarjy (investitsiialyq) piramidasyn qurý jáne onyń qurylymdyq bólimshesin basqarý faktisi boiynsha sotqa deiingi tergeýdi aiaqtady, - dep habarlaidy Dalanews.kz.
Olar ózderin Qazaqstanda resmi tirkelgen halyqaralyq investitsiialyq kompaniia ókilderi retinde tansytyryp, Aqtóbede prezentatsiialar ótkizgen.
Jiyndarda kúdiktiler qarjylyq investitsiialar, tiimdi paiyzben nesie rásimdeý, álemniń kez-kelgen jerinen páter jáne jańa kólik satyp alý jaily aqparattarmen azamattardy qyzyqtyrǵan. Osy arqyly olar jańa salymshylardy tartyp, olarǵa ai saiyn aqsha salyp odan syiaqy alatynyna sendirgen.
Kúdiktilerdiń zańsyz áreketinen 60 mln teńgege jýyq shyǵyn keltirilgen.
Sot úkimimen eki azamat kináli dep tanylyp, bes jylǵa shartty túrde bas bostandyǵynan aiyryldy.
Jábirlenýshilerge keltirilgen zalal tolyq kólemde óteldi.
Jyl basynan beri QMA qarjy piramidalaryn qurý jáne basqarý faktileri boiynsha 62 qylmystyq is aiaqtaldy, olardyń uiymdastyrýshylary 20 mlrd teńgege jýyq shyǵyn keltirdi. Búgingi tańda 13 mlrd teńgeden astam qarajat óteldi.
Qarjy piramidalarynyń qyzmetin uiymdastyrǵany jáne jarnamalaǵany úshin, 53 adamǵa qatysty 35 sot úkimi shyqty. Olar 2 jyldan 9 jylǵa deiingi merzimge sottaldy.
Qarjy piramidalarynyń belgileri bar 10,7 myń sait pen silteme buǵattaýǵa joldandy.
"WhatsApp", "Telegram" jáne "Instagram" - da 300-ge jýyq chat buǵattaldy. Osylaisha, 2 mln astam áleýetti salymshylardyń qarjylyq shyǵyndarynyń aldyn aldy.
"Qarjy piramidalaryna qarsy is-qimyl" arnaiy jobasy júzege asyryla bastaǵannan beri "Qnet", "World Business Consulting", "Finiko" "Antares"/"Antares Trade", "Sincere Systems Group"/"S-Group", "Hermes LTD", "Life is good", "Chia Tai Tianding"/"Chia Tai Pharmaceutical" "Energy Eolus Oazqstan"/"Eolus" siiaqty elde jumys isteitin qarjy piramidalarynyń qurylymdyq bólimsheleriniń uiymdastyrýshylary jaýapkershilikke tartyldy.
