اقتوبە وبلىسىندا قارجىلىق مونيتورينگ اگەنتتىگى "World Business Consulting" قارجى (ينۆەستيسيالىق) پيراميداسىن قۇرۋ جانە ونىڭ قۇرىلىمدىق بولىمشەسىن باسقارۋ فاكتىسى بويىنشا سوتقا دەيىنگى تەرگەۋدى اياقتادى، - دەپ حابارلايدى Dalanews.kz.
ولار وزدەرىن قازاقستاندا رەسمي تىركەلگەن حالىقارالىق ينۆەستيسيالىق كومپانيا وكىلدەرى رەتىندە تانسىتىرىپ، اقتوبەدە پرەزەنتاسيالار وتكىزگەن.
جيىنداردا كۇدىكتىلەر قارجىلىق ينۆەستيسيالار، ءتيىمدى پايىزبەن نەسيە راسىمدەۋ، الەمنىڭ كەز-كەلگەن جەرىنەن پاتەر جانە جاڭا كولىك ساتىپ الۋ جايلى اقپاراتتارمەن ازاماتتاردى قىزىقتىرعان. وسى ارقىلى ولار جاڭا سالىمشىلاردى تارتىپ، ولارعا اي سايىن اقشا سالىپ ودان سىياقى الاتىنىنا سەندىرگەن.
كۇدىكتىلەردىڭ زاڭسىز ارەكەتىنەن 60 ملن تەڭگەگە جۋىق شىعىن كەلتىرىلگەن.
سوت ۇكىمىمەن ەكى ازامات كىنالى دەپ تانىلىپ، بەس جىلعا شارتتى تۇردە باس بوستاندىعىنان ايىرىلدى.
جابىرلەنۋشىلەرگە كەلتىرىلگەن زالال تولىق كولەمدە وتەلدى.
جىل باسىنان بەرى قما قارجى پيراميدالارىن قۇرۋ جانە باسقارۋ فاكتىلەرى بويىنشا 62 قىلمىستىق ءىس اياقتالدى، ولاردىڭ ۇيىمداستىرۋشىلارى 20 ملرد تەڭگەگە جۋىق شىعىن كەلتىردى. بۇگىنگى تاڭدا 13 ملرد تەڭگەدەن استام قاراجات وتەلدى.
قارجى پيراميدالارىنىڭ قىزمەتىن ۇيىمداستىرعانى جانە جارنامالاعانى ءۇشىن، 53 ادامعا قاتىستى 35 سوت ۇكىمى شىقتى. ولار 2 جىلدان 9 جىلعا دەيىنگى مەرزىمگە سوتتالدى.
قارجى پيراميدالارىنىڭ بەلگىلەرى بار 10،7 مىڭ سايت پەن سىلتەمە بۇعاتتاۋعا جولداندى.
"WhatsApp"، "Telegram" جانە "Instagram" - دا 300-گە جۋىق چات بۇعاتتالدى. وسىلايشا، 2 ملن استام الەۋەتتى سالىمشىلاردىڭ قارجىلىق شىعىندارىنىڭ الدىن الدى.
"قارجى پيراميدالارىنا قارسى ءىس-قيمىل" ارنايى جوباسى جۇزەگە اسىرىلا باستاعاننان بەرى "Qnet"، "World Business Consulting"، "Finiko" "Antares"/"Antares Trade"، "Sincere Systems Group"/"S-Group"، "Hermes LTD"، "Life is good"، "Chia Tai Tianding"/"Chia Tai Pharmaceutical" "Energy Eolus Oazqstan"/"Eolus" سياقتى ەلدە جۇمىس ىستەيتىن قارجى پيراميدالارىنىڭ قۇرىلىمدىق بولىمشەلەرىنىڭ ۇيىمداستىرۋشىلارى جاۋاپكەرشىلىككە تارتىلدى.
