Sapar barysynda halyq qalaýlysy jylý elektr ortalyǵyndaǵy birqatar máseleni anyqtady. Ony ýaqtyly sheshpegen jaǵdaida, qala turǵyndary qysta jylýsyz qalady. Biyl mamyrda 1-shi, 3-shi jáne 4-shi qazandyqtardy jóndeý jumysy bastaldy. Bul jumys 15 qyrkúiekte aiaqtalýy tiis.
– Merdiger «Idigo print» JShS-nyń qyzmetine qatysty kóp suraq týyndap otyr. Jóndeý jumysyn nebary 4 adam jasap jatyr. Bul – jetkiliksiz. Kompaniianyń tek qarapaiym qazandyqtardy jóndeý tájiribesi bar. Al mundaǵy jumys aýqymy edáýir úlken. Taǵy bir mańyzdy másele – JEO shatyrynyń apattyq jaǵdaiy. Jabdyqtar uzaq ýaqyttan beri jańartylmai keldi. Jylý jelilerinde tek gidravlikalyq synaqtar júrgizildi. Bir sózben aitqanda, munda bei-bereketsizdik beleń alyp otyr, – dedi Baýrjan Smaǵulov.
Depýtat JEO-ny jańǵyrtý máselesin óz baqylaýyna alatynyn málimdedi.
Aita keteiik, «AMANAT» partiiasynyń sailaýaldy baǵdarlamasyn júzege asyrý aiasynda Qaraǵandy oblysynda jalpy 247,3 shaqyrym jylýmen jabdyqtaý jelilerin kúrdeli jóndeýden ótkizý jáne qaita jańǵyrtý, 320 shaqyrym elektrmen jabdyqtaý jelilerin kúrdeli jóndeýden ótkizý jáne qaita jańǵyrtý, 110,8 shaqyrym sý burý jelilerin jáne taǵy basqalardy kúrdeli jóndeýden ótkizý jáne rekonstrýktsiialaý josparlanýda. Buǵan qosa, 2027 jylǵa qarai 109 aýyldyq eldi mekende sý tazartatyn blok-modýl keshenderi ornatylady, 10 eldi meken gazben qamtamasyz etiledi.
