ساپار بارىسىندا حالىق قالاۋلىسى جىلۋ ەلەكتر ورتالىعىنداعى ءبىرقاتار ماسەلەنى انىقتادى. ونى ۋاقتىلى شەشپەگەن جاعدايدا، قالا تۇرعىندارى قىستا جىلۋسىز قالادى. بيىل مامىردا 1ء-شى، 3ء-شى جانە 4ء-شى قازاندىقتاردى جوندەۋ جۇمىسى باستالدى. بۇل جۇمىس 15 قىركۇيەكتە اياقتالۋى ءتيىس.
– مەردىگەر «يديگو پرينت» جشس-نىڭ قىزمەتىنە قاتىستى كوپ سۇراق تۋىنداپ وتىر. جوندەۋ جۇمىسىن نەبارى 4 ادام جاساپ جاتىر. بۇل – جەتكىلىكسىز. كومپانيانىڭ تەك قاراپايىم قازاندىقتاردى جوندەۋ تاجىريبەسى بار. ال مۇنداعى جۇمىس اۋقىمى ەداۋىر ۇلكەن. تاعى ءبىر ماڭىزدى ماسەلە – جەو شاتىرىنىڭ اپاتتىق جاعدايى. جابدىقتار ۇزاق ۋاقىتتان بەرى جاڭارتىلماي كەلدى. جىلۋ جەلىلەرىندە تەك گيدراۆليكالىق سىناقتار جۇرگىزىلدى. ءبىر سوزبەن ايتقاندا، مۇندا بەي-بەرەكەتسىزدىك بەلەڭ الىپ وتىر، – دەدى باۋرجان سماعۇلوۆ.
دەپۋتات جەو-نى جاڭعىرتۋ ماسەلەسىن ءوز باقىلاۋىنا الاتىنىن مالىمدەدى.
ايتا كەتەيىك، «AMANAT» پارتياسىنىڭ سايلاۋالدى باعدارلاماسىن جۇزەگە اسىرۋ اياسىندا قاراعاندى وبلىسىندا جالپى 247،3 شاقىرىم جىلۋمەن جابدىقتاۋ جەلىلەرىن كۇردەلى جوندەۋدەن وتكىزۋ جانە قايتا جاڭعىرتۋ، 320 شاقىرىم ەلەكترمەن جابدىقتاۋ جەلىلەرىن كۇردەلى جوندەۋدەن وتكىزۋ جانە قايتا جاڭعىرتۋ، 110،8 شاقىرىم سۋ بۇرۋ جەلىلەرىن جانە تاعى باسقالاردى كۇردەلى جوندەۋدەن وتكىزۋ جانە رەكونسترۋكسيالاۋ جوسپارلانۋدا. بۇعان قوسا، 2027 جىلعا قاراي 109 اۋىلدىق ەلدى مەكەندە سۋ تازارتاتىن بلوك-مودۋل كەشەندەرى ورناتىلادى، 10 ەلدى مەكەن گازبەن قامتاماسىز ەتىلەدى.
