- Ótken táýlikte oblysta koronavirýstyń 18 jańa jaǵdaiy tirkeldi, olardyń 9-y Semeide anyqtaldy. Onyń 8 eresek, bireýi 4 jasar bala. Olardyń ishinde 2 politsiia qyzmetkeri, 2 medbike, 3 jeke jáne memlekettik kásiporyndardyń qyzmetkerleri, bireýi jumyssyz.
Atalǵan 9 jaǵdai boiynsha 16 infektsiia oshaǵy belgilenip, qarym-qatynasta bolǵan 100-ge jýyq turǵyndar anyqtaldy. Taldaý nátijiesine sáikes, juqtyrǵandardyń kópshiligi - áleýmettik deńgeii joǵary jáne belsendi azamattar, - dedi Nailia Álmeneva.
Virýsty juqtyrǵandardyń jartysy qoǵamdyq kólikti turaqty paidalanyp, jii saýda bazarlary men sýpermarketterge baryp júrgen.
Qalalyq jedel shtabtyń málimetteri boiynsha búgingi tańda Semei qalasynda koronavirýstyq infektsiiany juqtyrýdyń 164 jaǵdaiy tirkelgen. Blok-beketter alynǵannan bastap juqtyrǵandardyń sany kún saiyn orta eseppen 8 jaǵdaiǵa artyp keledi.
Tirkelgen 100 oshaqta bir jarym myń koronavirýs juqtyrǵan adamdarmen bailanysta bolǵandar baqylaýǵa alyndy. Qosymsha simptomsyz retinde 105 juqtyrǵan adam tirkelgen.
Qazirgi ýaqytta alty adam aýyr halde jáne ekeýi reanimatsiia palatasynda jatyr.
Ókinishke orai, koronovirýspen qatar qosalqy aýrýy anyqtalǵan 4 adam qaitys boldy.
- Qurmetti jerlester, álemdik ǵylym bul virýsqa qarsy vaktsinany áli tappady. Ázirge tiimdi qorǵanys, bul qarapaiym qaýipsizdik erejelerin saqtaý. Áleýmettik qashyqtyq, jeke gigiena, jáne betperde kiiý sekildi qarapaiym sharalar aýrýdyń aldyn alýǵa septigin tigizedi.
Jedel shtab tarapynan indetti aldyn alý úshin tiisti jumystar júrgizgenimen jeke bas qaýipsizdigi árqaisymyzdyń jaýapkershiligi ekendigin umytpaǵanymyz jón. Qalamyzda koronovirýstyń taralýyn toqtatý maqsatynda, barlyq semeilikterdi bekitilgen erejelerdi saqtaýǵa shaqyramyn! – dedi Nailia Álmeneva.
ShQO aqparat ortalyǵy
